18. O le Malumalu o Sate Leki

O ni nai aso ina ua maeʼa ona ulu atu le uluai kamupani o paionia o tagata o le Au Paia o Aso e Gata Ai i le Vanu o Sate Leki, sa taina e Peresitene o Brigham Young le eleele i lana tootoo ma folafola atu, “O iinei tatou te fausia ai le malumalu o lo tatou Atua.” Sa elia le fanua i le aso 14 o Fepuari 1853. I le aso 6 o Aperila, sa faataatia maa tulimanu. Sa faaumaina ma faapaiaina le malumalu ina ua teʼa le 40 tausaga i le aso 6 o Aperila 1893. O le Au Peresitene Sili ma le Korama a Aposetolo e Toasefululua e faapotopoto faatasi iinei i vaiaso taitasi e faasauea ma saili faatonuga a le Alii i le pulea ma le atiina ae o le malo o le Atua.

O Mea Taua sa Tutupu: Ua tuuina mai e le Alii i le Peresitene o le Ekalesia ma isi Pule Aoao le liligiina mai o le agaga o le faaaliga iinei, e aofia le Folafolaga Aloaia—2. I luma mai, sa ioe aufaatasi ai e le Au Peresitene Sili ma le Fono o le Au Aposetolo e Toasefululua ma faasalalauina “O Le Aiga: O Le Folafolaga i le Lalolagi.” O sauniga o le malumalu ua faia mo i latou o ola ma e ua maliliu ua faamanuiaina olaga o tagata e sili atu i le toamiliona.