13. O le Fale Maota i Navu
Sa siitia Iosefa Samita Laitiiti ma lona aiga i le Fale Maota i Navu ia Aokuso 1843. Mulimuli ane sa faaopoopoina se faasee i le pito i sasaʼe o le vaega tele o le fale ina ia oo le aofai o potu i le 22. E amata ia Ianuari 1844, o Epenesa Ropinisone sa faaaoga le fale o se faletalimalo, o le Perofeta foi sa taofia potu e 6 mo lona aiga. Sa faaaoga teisi le fale mo faafiafiaga o le nuu o Navu. Sa talia malo taua iinei e le Perofeta.
O Mea Taua sa Tutupu: I le aso 27 o Iuni 1844 sa tafanaina ma fasiotia le Perofeta o Iosefa ma lona uso o Ailama i Karefasi Ilinoi, ma sa aumai o laua tino i lenei fale e faataooto ai ae lei faia le maliu. Oloo tanumia i laua i se fanua oti itiiti i le isi itu o le Auala Sili, i sisifo ane o le fale ogalaau tuai sa nofo ai Iosefa ina ua na faatoa oo atu i Navu. Sa nofo Emma Samita i le Fale Maota seia oo i le 1871. Ona ia siitia lea i le Fale Navu, lea sa ia maliu ai i le 1879.
13. O le Fale Maota i Navu O le fale o le aiga o le Perofeta o Iosefa Samita e amata i le 1843. I na aso sa faaaoga e le Ekalesia lenei fale e fai ma laumua faafiafia i le Au Paia.