17. O le Esoto i Sisifo

O le amataga o le sosola ese mai Navu, Ilinoi, sa fuafuaina mo Mati–Aperila, ae ona o upu faamataʼu a le au fatuiese sa faatonu ai e Peresitene Brigham Young ina ia amata le esoto o le Au Paia e sopoia ai le Vaitafe o le Misisipi i le aso 4 o Fepuari 1846. Sa faamuli Peresitene Young e pulea faaeega paia i e o le Au Paia e lei tuua Navu seia oo i le vaeluaga o Fepuari.

O Mea Taua sa Tutupu: Ae lei oo i lona maliu sa valoia e le Perofeta o Iosefa Samita, “O ni isi o outou e ola e o atu ma fesoasoani i le faiga o nofoaga ma le atina ae o aai ma vaai i le avea o le Au Paia ma nuu malosi i Mauga Papa.” E tusa ma le 12,000 o le Au Paia sa tuua Navu mai ia Fepuari seia oo ia Setema 1846. Ina ua tuua e le Au Paia Uinita Kuata ma isi nofoaga, sa faatulagaina i latou i vaega e toasefulu, toalimasefulu, ma toaselau, i lalo o se kapeteni vaega (MF&F 136:3). I Setema 1846 o se au fatuiese e tusa ma le 800 alii sa faaauupegaina i fanafanua e ono sa vagaia Navu. Ina ua maeʼa aso e tele o le tauina, o le Au Paia sa totoe sa faamalosia e siilima ina ia faasao lo latou ola ma maua ai le avanoa e sopoina ai le vaitafe. E toalimaselau i le toaonoselau alii, tamaitai, ma tamaiti sa sopoina le vaitafe ma api i tala ane o le vaitafe. O Peresitene Brigham Young sa aauina atu au laveai ma oloa e aumaia ai nei “Au Paia matitiva.”