5. Vaitafe o Susikuana
O lenei ata o loo faaalia le Vaitafe o Susikuana i le Itumalo o Haramoni, Penisilevania.
O Mea Taua sa Tutupu: Sa muai sau Iosefa Samita Laitiiti i Haramoni i 1825 e saili galuega. O laua ma lona tamā sa api latalata iinei i le fale o Isaako Hale, lea sa muai feiloai ai Iosefa ma Emma Hale, o lona faletua i le lumanai (IS—T 1:56–57). O Iosefa ma Emma sa faaipoipo i le aso 18 o Ianuari 1827. Sa maua e le Perofeta papatusi auro i le aso 22 o Setema 1827 i Manaseta, Niu Ioka, ma sa siitia mulimuli ane teisi ma Emma i Haramoni, lea sa ia amata ai ona faaliliu papatusi i lo laua tamai fale e latalata ane i le vaitafe. I aso o le faaliliuina o le Tusi a Mamona, sa mananao Iosefa ma Oliva Kaotui ia malamalama atili e uiga i le papatisoga ma sa savavali atu i le vaitafe ia tatalo ai i le Alii e faatatau i le mataupu. Ina ia tali i lenei tatalo, sa faaalia Ioane le Papatiso i le aso 15 Me 1829 (IS—T 1:66–74; MF&F 13). Sa ia faaee atu le Perisitua Arona ia Iosefa ma Oliva. Ona la o lea i lenei vaitafe ma papatiso le tasi i le isi mo le faamagaloina o agasala. Ona faatonuina lea o Iosefa ma Oliva e Ioane le Papatiso ia la faauu le tasi i le tasi i le Perisitua Arona. Mulimuli ane teisi, sa faaalia Peteru, Iakopo, ma Ioane i auvai o lenei vaitafe ma faaee atu ia Iosefa ma Oliva le Perisitua Mekisateko (MF&F 27:12–13; 128:20).
5. O le Vaitafe Susikuana Sa toe fuataiina le Perisitua Arona ma le Perisitua Mekisateko i auvai o lenei vaitafe (tagai i le MF&F 13; 128:20).