8. O le Fale o Ioane Ioanesone
O le fale o Ioane ma Alice Ioanesone sa tu i Hairama, Ohaio. O lenei potu o loo i le fogafale lona lua.
O Mea Taua sa Tutupu: Sa nonofo le Perofeta o Iosefa Samita ma lona faletua, o Emma, i lenei fale. O Iosefa ma Sini Rikitone sa maua le faaaliga vaaia ofoofogia o tikeri o le mamalu ao faatasi ma ni isi tagata i le aso 16 o Fepuari 1832 (MF&F 76). Sa galue foi le Perofeta o Iosefa Samita i le Faaliliuga a Iosefa Samita o le Tusi Paia (FIS) i lenei fale. I le aso 24 o Mati 1832, ina o nonofo Iosefa ma Emma iinei, sa fasileagaina ma valitaina ma faapipiina ai i fulu ia Iosefa ma Sini e se mau a tagata o tagata liliu ese ma ni isi e tetee i tagata Mamona.
8. O le Fale o Ioane Ioanesone Ina o galulue i le faaliliuga o le Tusi Paia i lenei fale, sa maua e le Perofeta o Iosefa Samita ma Sini Rikitone le faaaliga ua faamaumauina nei i totonu o le Mataupu Faavae ma Feagaiga 76, faatasi ma isi faaaliga.