11. O le Tulaga O le Malumalu o Fa Uesi
O le nofoaga o Fa Uesi, Misuri, sa avea ma nofoaga mo tagata o le Au Paia e 3,000 i le 5,000 o e sa saili se mapusaga mai faasauaga i Itumalo o Siakisone ma Kalei. I le aso 31 o Oketopa 1838 o le Perofeta o Iosefa Samita ma isi taitai o le Ekalesia sa molia ma, ina ua faia se faamasinoga iloilo i Risimone, sa lafoina i le Falepuipui i Lipereti. I aso o le tau malulu o 1838–1839, sa tulieseina le Au Paia mai Fa Uesi ma isi mea i Misuri ma sa siitia ese i Ilinoi.
O Mea Taua sa Tutupu: Sa faapaiaina se tulaga o se malumalu ma faataatia maa tulimanu. O faaaliga e fitu ua lomia i le Mataupu Faavae ma Feagaiga sa maua (o vaega 113–115; 117–120). O Iosefa F. Samita, o le Peresitene lona ono o le Ekalesia, sa fanau mai i le aso 13 Novema 1838 i Fa Uesi. Sa avea Fa Uesi i se taimi puupuu ma laumua o le Ekalesia i lalo o le Perofeta o Iosefa Samita.
11. O le Tulaga o le Malumalu o Fa Uesi I le 1838 sa poloaiina le Au Paia e le Alii ina ia fausia iinei se malumalu (tagai i le MF&F 115:7–8). O faasauaga o au o tagata leaga sa taofia i latou mai le faia o lenei mea.