Mau ’Āamu nō te mau pāpa’iraa mo’a
Esetera te ariʼi vahine
Nō roto mai i te Esetera 2-8.
E ariʼi vahine ʼo Esetera. ʼUa faʼaipoipohia ʼoia i te ariʼi nō Peresia.
Tē vai nei te hōʼē hoa o te ariʼi taʼata ʼino ’oia. ʼUa haʼavare ʼoia i te ariʼi tei haʼamau i te hōʼē ture ē e tiʼa i te mau ʼāti Iuda atoʼa ia haʼapohehia ! ʼAita te ariʼi i ʼite ē e ʼāti Iuda tāna vahine faʼaipoipo, ʼo Esetera.
ʼUa faʼaoti Esetera ʼia ani i tāna tāne faʼaipoipo, te ariʼi, ʼia faʼaora i tōna ra nūnaʼa. ʼUa peʼapeʼa rā ʼoia ʼe e riri tāna tāne faʼaipoipo. ʼUa ani Esetera i te mau ʼāti Iuda atoʼa ʼia haʼapae i te māʼa ʼe ʼia pure nōna. I muri iho ʼua haere atu Esetera i te ariʼi ra. ʼAita ʼoia i riri !
ʼUa ani manihini Esetera i te ariʼi ʼe tōna hoa ’ia haere mai i te hōʼē tamāʼaraʼa. I te tamāʼaraʼa, ʼua faʼaʼite atu Esetera i te ariʼi ē e vahine ʼāti Iuda ʼoia. ʼUa riri te ariʼi i te haʼavare a tōna hoa iāna. ʼUa parau ʼoia e nehenehe tā te mau ʼāti Iuda e pāruru ia rātou iho. ʼUa tauturu Esetera i te faʼaoraraʼa i tōna iho nūnaʼa.
E nehenehe tātou e ani i te Metua i te Ao ra i te tautururaʼa. E nehenehe tātou e mataʼu ʼore ʼe ʼia itoito, mai ia Esetera.