Te pupu taiʼo i te Buka a Moromona
E ʼāpiti atu nā roto i te taiʼoraʼa i te Buka a Moromona ! E nehenehe tā ʼoutou ’ia taiʼo, ʼoutou anaʼe, ʼe tō ʼoutou ʼutuāfare, ʼaore rā ’e te hōʼē hoa. E hāpono atu i muri iho i te hōʼē hōhoʼa nō ʼoutou e taiʼo ra i te Buka a Moromona ʼe e faʼaʼite mai ia mātou i te tahi mea tā ʼoutou i haʼapiʼi mai ʼaore rā tā ʼoutou ʼāʼamu au roa i roto i te Buka a Moromona. E hāpono atu te reira nā roto i te liahona.lds.org (e pata atu i niʼa i te « Hāpono i te hōʼē tuha’a parau »).
Te pāpaʼiraʼa moʼa nō teie ʼāvaʼe : Moroni 10:4
« …E ’ia ui atu ʼoutou ma te ʼāʼau hinaʼaro mau, ma te mana‘o pāpū, ’e ma te faʼaroʼo i te Mesia, nāna e faʼa‘ite mai i te parau mau ia ʼoutou nā roto i te mana o te Vārua Maitaʼi. »
Tāʼu ʼāʼamu au roa i roto i te Buka a Moromona tei roto īa i te 3 Nephi 17, ʼe nō niʼa i tō Iesu haʼamaitaʼiraʼa i te mau tamariʼi. Mea au nāʼu te ʼāʼamu, nō te mea ʼua faʼaʼite mai te reira i te here rahi o Iesu ʼe o te Metua i te Ao ra ia tātou. E nehenehe iāʼu ’ia faʼahōhoʼa atu i te mau tamariʼi, ’e ʼia manaʼona’o tē tiʼa ra vau i reira.
Barbora J., 11 matahiti , Repupirita Tcheque
Mea au nāʼu te Buka a Moromona nō te mea e buka parau mau te reira. Tei pāpaʼihia e te mau peropheta. E tauturu te reira buka iāʼu ’ia māʼiti i te mea tiʼa, ʼe ʼia fifi anaʼe au, e tauturu te reira iāʼu. Tē tiʼaturi nei au i te reira.
Jason S.,10 matahiti, Maharashtra, Inidia