ພາກທີ 87
ການເປີດເຜີຍ ແລະ ການທຳນາຍກ່ຽວກັບສົງຄາມ, ທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ຢູ່ທີ່ ຫລື ໃກ້ ເມືອງເຄີດແລນ, ລັດໂອໄຮໂອ, ວັນທີ 25 ເດືອນທັນວາ, 1832. ໃນເວລານີ້ ມີການຜິດຖຽງກັນ ຢູ່ໃນສະຫະລັດ ອາເມຣິກາ ເລື່ອງຄວາມເປັນຂ້າທາດ ແລະ ລັດຊ້າວຄາໂຣໄລນາ ບໍ່ຍອມຈ່າຍຄ່າພາສີໃຫ້ແກ່ລັດຖະບານກາງ. ປະຫວັດຂອງໂຈເຊັບ ສະມິດ ກ່າວວ່າ “ບັນຫາຂອງປະຊາຊາດ” ເລີ່ມຕົ້ນ “ແຈ່ມແຈ້ງ” ຕໍ່ສາດສະດາ “ຫລາຍກວ່າທີ່ຜ່ານມາ ນັບຕັ້ງແຕ່ສາດສະໜາຈັກ ໄດ້ເລີ່ມຕົ້ນອອກມາຈາກຖິ່ນແຫ້ງແລ້ງກັນດານ.”
1–4, ສົງຄາມໄດ້ຖືກບອກໄວ້ລ່ວງໜ້າລະຫວ່າງລັດທາງເໜືອກັບລັດທາງໃຕ້; 5–8, ໄພອັນໃຫຍ່ຫລວງຈະຕົກໃສ່ເທິງຜູ້ອາໄສທັງປວງຂອງແຜ່ນດິນໂລກ.
1 ຕາມຄວາມຈິງແລ້ວ, ພຣະຜູ້ເປັນເຈົ້າໄດ້ກ່າວດັ່ງນີ້ກ່ຽວກັບສົງຄາມຕ່າງໆທີ່ຈະເກີດຂຶ້ນໃນບໍ່ດົນ, ໂດຍເລີ່ມຕົ້ນຈາກການກະບົດຂອງ ກລັດຊ້າວຄາໂຣໄລນາ, ຊຶ່ງໃນທີ່ສຸດຈະສິ້ນສຸດລົງດ້ວຍຄວາມຕາຍ ແລະ ຄວາມທຸກທໍລະມານຂອງຄົນຢ່າງຫລວງຫລາຍ;
2 ແລະ ເວລາຈະມາເຖິງ ເມື່ອ ກສົງຄາມຈະລຸກລາມໄປເຖິງປະຊາຊາດທັງປວງ, ໂດຍເລີ່ມຕົ້ນຈາກບ່ອນນີ້.
3 ເພາະຈົ່ງເບິ່ງ, ລັດທາງໃຕ້ຈະແຍກຕົນເອງອອກຈາກລັດທາງເໜືອ, ແລະ ລັດທາງໃຕ້ຈະເອີ້ນຫາປະຊາຊາດອື່ນ, ແມ່ນແຕ່ເອີ້ນຫາອັງກິດ, ຕາມທີ່ມັນຖືກເອີ້ນ, ແລະ ພວກເຂົາກໍຈະເອີ້ນຫາປະຊາຊາດອື່ນໆນຳອີກ, ເພື່ອປົກປ້ອງຕົນເອງຈາກປະຊາຊາດອື່ນໆ; ແລະ ຈາກນັ້ນ ກສົງຄາມຈະລຸກລາມໄປເຖິງທຸກປະຊາຊາດທັງປວງ.
4 ແລະ ເຫດການຈະບັງເກີດຂຶ້ນຄື ຫລັງຈາກຫລາຍວັນ, ຜູ້ເປັນ ກຂ້າທາດຈະລຸກຂຶ້ນຕໍ່ຕ້ານນາຍຂອງຕົນ, ຜູ້ຈະຖືກເຕົ້າໂຮມກຳລັງ ແລະ ຝຶກສຳລັບການສູ້ຮົບ.
5 ແລະ ເຫດການຈະບັງເກີດຂຶ້ນນຳອີກຄື ພວກທີ່ເຫລືອຢູ່ໃນແຜ່ນດິນ ຈະເຕົ້າໂຮມກຳລັງເຂົ້າກັນ, ແລະ ຈະໂມໂຫຮ້າຍຢ່າງໜັກ, ແລະ ຈະລົບກວນຄົນຕ່າງຊາດດ້ວຍຄວາມເດືອດຮ້ອນຢ່າງສາຫັດ.
6 ແລະ ດັ່ງນັ້ນ, ດ້ວຍດາບ ແລະ ດ້ວຍການນອງເລືອດ ຜູ້ອາໄສຂອງແຜ່ນດິນໂລກຈະ ກຄວນຄາງ; ແລະ ດ້ວຍ ຂຄວາມອຶດຢາກ, ແລະ ໂຣກລະບາດ, ແລະ ແຜ່ນດິນໄຫວ, ແລະ ຟ້າຮ້ອງໃນຟ້າສະຫວັນ, ແລະ ຟ້າແມບເຫລື້ອມອັນເຈີດຈ້ານຳອີກ, ຈະເຮັດໃຫ້ຜູ້ອາໄສຂອງແຜ່ນດິນໂລກຮູ້ສຶກເຖິງພຣະພິໂລດ, ແລະ ຄວາມເຄືອງແຄ້ນ, ແລະ ພຣະຫັດທີ່ ຄຕີສອນຂອງພຣະເຈົ້າຜູ້ຊົງລິດອຳນາດຍິ່ງໃຫຍ່, ຈົນກວ່າການທຳລາຍທີ່ໄດ້ກຳນົດໄວ້ແລ້ວຈະເຮັດໃຫ້ປະຊາຊາດທັງປວງ ງສູນສິ້ນໄປ;
7 ເພື່ອສຽງຮ້ອງໄຫ້ຂອງໄພ່ພົນຂອງພຣະເຈົ້າ, ແລະ ຂອງ ກເລືອດຂອງໄພ່ພົນຂອງພຣະເຈົ້າ, ຈະຢຸດຂຶ້ນມາເຖິງພຣະກັນຂອງພຣະຜູ້ເປັນເຈົ້າແຫ່ງ ຂຊາບາໂອດ, ຈາກແຜ່ນດິນໂລກ, ເພື່ອແກ້ແຄ້ນສັດຕູຂອງພວກເຂົາ.
8 ດັ່ງນັ້ນ, ເຈົ້າຈົ່ງ ກຢືນຢູ່ໃນສະຖານທີ່ສັກສິດ, ແລະ ບໍ່ຫວັ່ນໄຫວ, ຈົນກວ່າວັນຂອງພຣະຜູ້ເປັນເຈົ້າມາເຖິງ; ເພາະຈົ່ງເບິ່ງ, ມັນມາເຖິງ ຂຢ່າງໄວ, ພຣະຜູ້ເປັນເຈົ້າໄດ້ກ່າວ. ອາແມນ.