ພາກທີ 34
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ ແກ່ອໍສັນ ພະແຣັດ, ທີ່ເມືອງເຟແອດ, ລັດນິວຢອກ, ວັນທີ 4 ເດືອນພະຈິກ 1830. ບຣາເດີ ພະແຣັດ ມີອາຍຸໄດ້ສິບເກົ້າປີໃນຕອນນັ້ນ. ລາວໄດ້ປ່ຽນໃຈເຫລື້ອມໃສ ແລະ ຮັບບັບຕິສະມາເມື່ອລາວໄດ້ຍິນການສັ່ງສອນເທື່ອທຳອິດເລື່ອງພຣະກິດຕິຄຸນທີ່ຖືກຟື້ນຟູຄືນມາໃໝ່ຈາກອ້າຍຂອງລາວ, ພາລີ ພີ ພະແຣັດ, ເມື່ອຫົກອາທິດກ່ອນ. ການເປີດເຜີຍນີ້ໄດ້ຮັບຢູ່ໃນບ້ານຂອງພີເຕີ ວິດເມີ ຜູ້ພໍ່.
1–4, ຄົນຊື່ສັດກາຍເປັນບຸດຂອງພຣະເຈົ້າຜ່ານການຊົດໃຊ້; 5–9, ການສັ່ງສອນພຣະກິດຕິຄຸນຕຽມທາງສຳລັບການສະເດັດມາຄັ້ງທີສອງ; 10–12, ການທຳນາຍເກີດຂຶ້ນໂດຍອຳນາດຂອງພຣະວິນຍານບໍລິສຸດ.
1 ກອໍສັນ ບຸດຂອງເຮົາ, ຈົ່ງເຊື່ອຟັງ ແລະ ຟັງ ແລະ ເບິ່ງສິ່ງທີ່ເຮົາ, ອົງພຣະຜູ້ເປັນເຈົ້າ, ຈະກ່າວກັບເຈົ້າ, ແມ່ນແຕ່ພຣະເຢຊູຄຣິດ ພຣະຜູ້ໄຖ່ຂອງເຈົ້າ;
2 ກຄວາມສະຫວ່າງ ແລະ ຊີວິດຂອງໂລກ, ຄວາມສະຫວ່າງຊຶ່ງສ່ອງແສງຢູ່ໃນຄວາມມືດ ແລະ ຄວາມມືດບໍ່ເຂົ້າໃຈມັນເລີຍ;
3 ຜູ້ທີ່ ກຮັກໂລກ ຈົນວ່າ ຂພຣະອົງໄດ້ ຄມອບຊີວິດຂອງພຣະອົງ, ເພື່ອວ່າຫລາຍຕໍ່ຫລາຍຄົນທີ່ເຊື່ອຈະກາຍເປັນ ງບຸດຂອງພຣະເຈົ້າ. ດັ່ງນັ້ນ ເຈົ້າຈຶ່ງເປັນບຸດຂອງເຮົາ;
4 ແລະ ເຈົ້າ ກເປັນສຸກແລ້ວ ເພາະເຈົ້າໄດ້ເຊື່ອ;
5 ແລະ ເຈົ້າຍິ່ງເປັນສຸກກວ່ານັ້ນ ເພາະເຈົ້າຖືກ ກເອີ້ນໂດຍເຮົາໃຫ້ສັ່ງສອນພຣະກິດຕິຄຸນຂອງເຮົາ—
6 ເພື່ອເປັ່ງສຽງຂອງເຈົ້າດັ່ງກັບສຽງແກ, ທັງດົນນານ ແລະ ດັງ, ແລະ ກເອີ້ນການກັບໃຈແກ່ລຸ້ນທີ່ຄົດໂກງ ແລະ ເສຍຄົນນີ້, ຕຽມທາງຂອງພຣະຜູ້ເປັນເຈົ້າສຳລັບ ຂການສະເດັດມາຄັ້ງທີສອງຂອງພຣະອົງ.
7 ເພາະຈົ່ງເບິ່ງ, ຕາມຈິງ, ຕາມຈິງແລ້ວ, ເຮົາກ່າວກັບເຈົ້າ, ກເວລາໃກ້ຈະມາເຖິງໃນບໍ່ຊ້ານີ້ ເມື່ອເຮົາຈະມາໃນ ຂເມກດ້ວຍອຳນາດ ແລະ ລັດສະໝີພາບອັນຍິ່ງໃຫຍ່.
8 ແລະ ມັນຈະເປັນ ກວັນອັນຍິ່ງໃຫຍ່ໃນເວລາແຫ່ງການມາຂອງເຮົາ, ເພາະທຸກປະຊາຊາດຈະ ຂຕົວສັ່ນ.
9 ແຕ່ກ່ອນວັນອັນຍິ່ງໃຫຍ່ນັ້ນຈະມາເຖິງ ດວງຕາເວັນຈະມືດດັບ, ແລະ ດວງເດືອນຈະກັບເປັນເລືອດ, ແລະ ດວງດາວຈະບໍ່ຍອມສ່ອງແສງ, ແລະ ດາວບາງໜ່ວຍຈະຕົກລົງມາ, ແລະ ຄວາມພິນາດອັນຍິ່ງໃຫຍ່ຈະຄອຍຖ້າຄົນຊົ່ວຢູ່.
10 ດັ່ງນັ້ນ, ຈົ່ງເປັ່ງສຽງຂອງເຈົ້າ ແລະ ຢ່າ ກຢັບຢັ້ງມັນໄວ້, ເພາະອົງພຣະຜູ້ເປັນເຈົ້າໄດ້ກ່າວ; ສະນັ້ນ ຈົ່ງທຳນາຍ, ແລະ ມັນຈະຖືກມອບໃຫ້ໂດຍ ຂອຳນາດຂອງພຣະວິນຍານບໍລິສຸດ.
11 ແລະ ຖ້າຫາກເຈົ້າຊື່ສັດ, ຈົ່ງເບິ່ງ, ເຮົາຢູ່ນຳເຈົ້າຈົນກວ່າເຮົາຈະມາ—
12 ແລະ ຕາມຈິງ, ຕາມຈິງແລ້ວ, ເຮົາກ່າວກັບເຈົ້າ, ເຮົາມາຢ່າງໄວ. ເຮົາຄືພຣະຜູ້ເປັນເຈົ້າຂອງເຈົ້າ ແລະ ພຣະຜູ້ໄຖ່ຂອງເຈົ້າ. ແມ່ນເປັນດັ່ງນັ້ນ. ອາແມນ.