ພາກທີ 85
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງເຄີດແລນ, ລັດໂອໄຮໂອ, ວັນທີ 27 ເດືອນພະຈິກ, 1832. ພາກນີ້ເປັນພາກສ່ວນໜຶ່ງທີ່ເອົາມາຈາກຈົດໝາຍຂອງສາດສະດາ ເຖິງ ວິວລຽມ ດັບບິນຢູ ແຟ້ວສ໌, ຜູ້ໄດ້ອາໄສຢູ່ໃນເມືອງອິນດີເພັນເດັນສ໌, ລັດມີເຊີຣີ. ມັນຕອບຄຳຖາມກ່ຽວກັບໄພ່ພົນຂອງພຣະເຈົ້າຜູ້ໄດ້ຍ້າຍໄປຢູ່ຊີໂອນແຕ່ບໍ່ໄດ້ເຮັດຕາມພຣະບັນຍັດ ທີ່ຈະອຸທິດຖວາຍຊັບສິນຂອງຕົນ ແລະ ສະນັ້ນ ຈຶ່ງບໍ່ໄດ້ຮັບມູນມໍລະດົກຂອງພວກເຂົາຕາມລະບົບທີ່ຈັດຕັ້ງຂຶ້ນໃນສາດສະໜາຈັກ.
1–5, ມູນມໍລະດົກໃນຊີໂອນຕ້ອງໄດ້ຮັບຜ່ານການອຸທິດຖວາຍ; 6–12, ຄົນທີ່ມີພະລັງ ແລະ ເຂັ້ມແຂງຈະມອບມູນມໍລະດົກໃນຊີໂອນໃຫ້ແກ່ໄພ່ພົນຂອງພຣະເຈົ້າ.
1 ມັນເປັນໜ້າທີ່ຂອງສະໝຽນຂອງພຣະຜູ້ເປັນເຈົ້າ, ຜູ້ຊຶ່ງພຣະອົງໄດ້ກຳນົດໄວ້, ທີ່ຈະຮັກສາ ປະຫວັດສາດ, ແລະ ກບັນທຶກທົ່ວໄປຂອງສາດສະໜາຈັກກ່ຽວກັບທຸກສິ່ງທີ່ເກີດຂຶ້ນໃນຊີໂອນ, ແລະ ກ່ຽວກັບທຸກຄົນຜູ້ໄດ້ ຂອຸທິດຖວາຍຊັບສິນ, ແລະ ໄດ້ຮັບມູນມໍລະດົກຢ່າງຖືກຕ້ອງຕາມກົດໝາຍຈາກອະທິການ;
2 ແລະ ກ່ຽວກັບຊີວິດນາໆປະການຂອງພວກເຂົານຳອີກ, ສັດທາຂອງພວກເຂົາ, ແລະ ວຽກງານ; ແລະ ຄົນທີ່ປະຖິ້ມຄວາມເຊື່ອນຳອີກ ຜູ້ໄດ້ປະຖິ້ມຄວາມເຊື່ອຫລັງຈາກໄດ້ຮັບມູນມໍລະດົກຂອງພວກເຂົາແລ້ວ.
3 ມັນເປັນສິ່ງກົງກັນຂ້າມກັບພຣະປະສົງ ແລະ ພຣະບັນຍັດຂອງພຣະເຈົ້າທີ່ຄົນເຫລົ່ານັ້ນຜູ້ບໍ່ໄດ້ຮັບມູນມໍລະດົກຂອງພວກເຂົາໂດຍ ກການອຸທິດຖວາຍ, ສອດຄ່ອງກັບກົດຂອງພຣະອົງ, ຊຶ່ງພຣະອົງໄດ້ປະທານໃຫ້, ເພື່ອວ່າພຣະອົງຈະໄດ້ເກັບ ຂສ່ວນສິບຈາກຜູ້ຄົນຂອງພຣະອົງ, ເພື່ອຕຽມພວກເຂົາໃຫ້ພ້ອມສຳລັບວັນແຫ່ງ ຄການແກ້ແຄ້ນ ແລະ ການເຜົາໄໝ້, ຈະມີຊື່ຂອງພວກເຂົາບັນທຶກລົງໄວ້ກັບຜູ້ຄົນຂອງພຣະເຈົ້າ.
4 ທັງບໍ່ໃຫ້ບັນທຶກລຳດັບການສືບເຊື້ອສາຍຂອງພວກເຂົາໄວ້, ຫລື ບໍ່ໃຫ້ພົບເຫັນຢູ່ໃນບັນທຶກໃດໆ ຫລື ໃນປະຫວັດສາດຂອງສາດສະໜາຈັກ.
5 ຊື່ຂອງພວກເຂົາຈະບໍ່ມີໃຜພົບເຫັນ, ທັງຊື່ຂອງບັນພະບຸລຸດ, ທັງຊື່ຂອງລູກໆທີ່ມີຂຽນໄວ້ຢູ່ໃນ ກປຶ້ມກົດຂອງພຣະເຈົ້າ, ຈອມໂຍທາໄດ້ກ່າວ.
6 ແທ້ຈິງແລ້ວ, ກສຽງອັນເບົາໆໄດ້ກ່າວດັ່ງນີ້, ຊຶ່ງໄດ້ສື່ມຜ່ານ ແລະ ຂສຽບແທງທຸກສິ່ງທັງປວງ, ແລະ ຫລາຍເທື່ອມັນໄດ້ເຮັດໃຫ້ກະດູກຂອງຂ້າພະເຈົ້າສັ່ນໃນຂະນະທີ່ມັນສະແດງໃຫ້ປະຈັກ, ໂດຍກ່າວວ່າ:
7 ແລະ ເຫດການຈະບັງເກີດຂຶ້ນຄື ເຮົາ, ອົງພຣະຜູ້ເປັນເຈົ້າ, ຈະສົ່ງຄົນໜຶ່ງທີ່ມີພະລັງ ແລະ ເຂັ້ມແຂງ, ຊຶ່ງຖືໄມ້ຄ້ອນເທົ້າແຫ່ງອຳນາດໃນມືຂອງເຂົາ, ຫຸ້ມຫໍ່ດ້ວຍຄວາມສະຫວ່າງເປັນອາພອນ, ຜູ້ທີ່ປາກຈະກ່າວຖ້ອຍຄຳ, ຖ້ອຍຄຳນິລັນດອນ; ໃນຂະນະທີ່ອຸທອນຂອງເຂົາເປັນອ່າງນ້ຳແຫ່ງຄວາມຈິງ, ເພື່ອວາງລະບຽບບ້ານຂອງພຣະເຈົ້າ, ແລະ ເພື່ອຈັດການກັບມູນມໍລະດົກເປັນແປງໆໃຫ້ໄພ່ພົນຂອງພຣະເຈົ້າ ຜູ້ທີ່ຊື່ຂອງພວກເຂົາ, ແລະ ຊື່ຂອງບັນພະບຸລຸດຂອງພວກເຂົາ, ແລະ ຊື່ລູກຂອງພວກເຂົາຖືກພົບເຫັນຢູ່ໃນປຶ້ມກົດຂອງພຣະເຈົ້າ;
8 ໃນຂະນະທີ່ຊາຍຜູ້ນັ້ນ, ຜູ້ຊຶ່ງຖືກເອີ້ນຈາກພຣະເຈົ້າ ແລະ ກຳນົດໄວ້, ຜູ້ຊຶ່ງໄດ້ຍື່ນມືຂອງເຂົາອອກໄປ ເພື່ອປະຄອງ ກຫີບຂອງພຣະເຈົ້າໄວ້, ຈະລົ້ມລົງໂດຍລູກສອນແຫ່ງຄວາມຕາຍ, ເໝືອນດັ່ງຕົ້ນໄມ້ທີ່ຖືກບັ່ນລົງໂດຍສາຍຟ້າແມບອັນເຈີດຈ້າ.
9 ແລະ ທຸກຄົນທີ່ບໍ່ໄດ້ຖືກພົບເຫັນວ່າມີຂຽນໄວ້ຢູ່ໃນ ກປຶ້ມແຫ່ງຄວາມຊົງຈຳຈະບໍ່ພົບມູນມໍລະດົກໃນວັນນັ້ນ, ແຕ່ ພວກເຂົາຈະຖືກຕັດເປັນຕ່ອນໆ, ແລະ ຈະກຳນົດສ່ວນຂອງພວກເຂົາໄວ້ໃນບັນດາຄົນທີ່ບໍ່ເຊື່ອ, ບ່ອນທີ່ຈະມີ ຂການຄວນຄາງ ແລະ ການຂົບແຂ້ວຄ້ຽວຟັນ.
10 ສິ່ງເຫລົ່ານີ້ຂ້າພະເຈົ້າບໍ່ໄດ້ເວົ້າດ້ວຍຕົນເອງ; ສະນັ້ນ, ດັ່ງທີ່ພຣະຜູ້ເປັນເຈົ້າໄດ້ກ່າວສັນໃດ, ພຣະອົງຈະເຮັດໃຫ້ມັນສຳເລັດຜົນສັນນັ້ນ.
11 ແລະ ຄົນທີ່ເປັນຂອງຖານະປະໂລຫິດສູງ, ຜູ້ທີ່ຊື່ບໍ່ຖືກພົບເຫັນວ່າມີຂຽນໄວ້ຢູ່ໃນ ກປຶ້ມກົດ, ຫລື ຖືກພົບເຫັນວ່າໄດ້ ຂປະຖິ້ມຄວາມເຊື່ອ, ຫລື ໄດ້ຖືກ ຄຕັດອອກຈາກສາດສະໜາຈັກ, ເຊັ່ນດຽວກັບຄົນທີ່ເປັນຂອງຖານະປະໂລຫິດຕ່ຳກວ່ານຳອີກ, ຫລື ສະມາຊິກ, ໃນວັນນັ້ນຈະບໍ່ພົບເຫັນມູນມໍລະດົກໃນບັນດາໄພ່ພົນຂອງພຣະຜູ້ສູງສຸດ;
12 ສະນັ້ນ, ມັນຈະເປັນໄປກັບພວກເຂົາດັ່ງທີ່ມັນໄດ້ເປັນໄປກັບລູກໆຂອງປະໂລຫິດ, ຕາມທີ່ຈະພົບເຫັນວ່າມີບັນທຶກໄວ້ຢູ່ໃນ ບົດທີສອງ, ແລະ ຂໍ້ທີຫົກສິບເອັດ ແລະ ຫົກສິບສອງ ໃນໜັງສືເອຊະຣາ.