అత్యంత ఘనమైన మరియు విలువైన వాగ్దానములు

మన పరలోక తండ్రి యొక్క గొప్ప సంతోషకరమైన ప్రణాళికలో సిద్ధాంతము, విధులు, నిబంధనలు మరియు అత్యంత ఘనమైన మరియు విలువైన వాగ్దానాలు కలిగియున్నవి, తద్వారా మనం దైవిక స్వభావములో పాలివారగుదుము. మన నిత్య గుర్తింపును మరియు నేర్చుకొనుటకు, మార్పుచెందుటకు, అభివృద్ధి చెందుటకు చివరకు ఆయనతో నిరంతరము జీవించుటకు మనం తప్పక వెంబడించవలసిన మార్గమును ఆయన ప్రణాళిక నిర్వచించును.

“కుటుంబము: ప్రపంచమునకు నకు ఒక ప్రకటనలో” వివరించినట్లుగా:

“మానవులందరు-స్త్రీ మరియు పురుషుడు-దేవుని యొక్క స్వరూపములో సృష్టించబడిరి. ప్రతీఒక్కరు పరలోక తల్లిదండ్రులకు ప్రియమైన ఆత్మకుమారుడు లేకకుమార్తె అయియున్నారు మరియు అటులనే, ప్రతీఒక్కరు ఒక దైవిక స్వభావము మరియు గమ్యమును కలిగియున్నారు. . . .

“మర్త్యత్వమునకు ముందు రాజ్యములో ఆత్మకుమారులు మరియు కుమార్తెలు దేవునిని ఎరిగి మరియు వారి నిత్యుడగు తండ్రిగా ఆరాధించిరి. మరియు ఆయన ప్రణాళిక అయిన భౌతిక శరీరమును పొందగలుగుటకు మరియు సంపూర్ణతవైపు సాగిపోయి భూలోక అనుభవమును గణించుటకు మరియు ఆమె లేక అతని దైవిక గమ్యమైన నిత్యజీవ వారసత్వమును సంపూర్ణముగా గ్రహించుటకు అంగీకరించిరి.”³

దేవుడు తన పిల్లలకు వాగ్దానము చేయునదేమనగా వారు ఆయన ప్రణాళికలోని సూత్రములను, తన ప్రియకుమారుని మాదిరిని అనుసరించి, ఆజ్ఞలను గైకొని, మరియు అంతమువరకు విశ్వాసముతో సహించిన యెడల, రక్షకుని విమోచన బలముచేత వారు “దేవుని వరములలో కెల్ల గొప్పవరమైన నిత్యజీవమును పొందెదరు.” ”⁴ అత్యంత ఘనమైన, ప్రశస్తమైన వాగ్దానములో నిత్యజీవము అంతిమమైనది.

మహిమ మరియు సద్గుణము కొరకు ప్రభువునుండి వచ్చు పిలుపుకు నిశ్చయముగా స్పందించడం ద్వారా అత్యంత ఘనమైన మరియు విలువైన వాగ్దానములను పర్తిగా మనం గ్రహించి, దైవిక స్వభావములో పాలుపంచుకొనుటకు ఆరంభిస్తాము. పేతురుచేత వర్ణించబడినట్లుగా, లోకమందున్న భ్రష్టత్వమును తప్పించుకొనుటకు గట్టిగా ప్రయత్నించుటచేత ఈ పిలుపు నెరవేర్చబడుతుంది.

రక్షకునియందు విశ్వాసముతో, అణకువతో, మనం ముందుకు సాగినయెడల, ఆయన ప్రాయశ్చిత్తము వలన, పరిశుద్ధాత్మ యొక్క శక్తిచేత “మన యందు, లేక మన హృదయములందు ఒక గొప్ప మార్పు [కలుగును], అప్పుడు చెడు చేయుటకు ఇక ఏ మాత్రము కోరిక లేక నిరంతరము మంచి చేయుటకు కోరిక కలిగియుండును.”⁵ మనము “మరల జన్మించితిమి; దేవుని మూలముగా జన్మించుట అనగా [మన] శరీరసంబంధమైన మరియు పతనమైన స్థితి నుండి ఒక పరిశుద్ధమయిన స్థితికి మారి దేవునిచే విమోచింపబడితిమి.” ⁶ “కాగా ఎవడైనను క్రీస్తునందున్నయెడల వాడు నూతన సృష్టి; పాతవి గతించెను, ఇదిగో క్రొత్త వాయెను”⁷

మన స్వభావములో అటువంటి సంపూర్ణమైన మార్పు త్వరగా లేదా ఒకేసారి రాదు. రక్షకునివలె మనం కూడా “మొదటే సంపూర్ణత్వమును పొందము, కాని కృప వెంబడి కృపను [పొందుతాము].”⁸ “ఏలయనగా ప్రభువైన దేవుడు ఇట్లు సెలవిచ్చుచున్నాడు: నేను నరుల సంతానమునకు ఆజ్ఞ వెంబడి ఆజ్ఞ, సూత్రము వెంబడి సూత్రము, ఇచ్చట కొంత అచ్చట కొంత ఇచ్చెదను; నా సూక్తులను ఆలకించు వారు, నా సలహాకు చెవియొగ్గు వారు ధన్యులు, వారు జ్ఞానము నేర్చుకొందురు.”⁹

యాజకత్వ విధులు మరియు పరిశుద్ధ నిబంధనలు ఈ కొనసాగుచున్న ఆత్మీయ పునర్జన్మ విధానములో ఆవశ్యకములు; మనం అత్యంత ఘనమైన మరియు విలువైన వాగ్దానములను పొందుటకు అవి దేవుడు నియమించిన కారకాలు. యోగ్యతతో పొంది, నిరంతరము జ్ఞాపకముచేసుకొను విధులు, మన జీవితాలలో దైవత్వపు శక్తిని ప్రసరింప చేయగల పరలోక ద్వారాలను తెరుస్తాయి. స్థిరముగా ఘనపరచి, ఎల్లప్పుడు జ్ఞాపకముంచుకొను నిబంధనలు ఈ మర్త్యత్వములో మరియు నిత్యత్వములో రెండింటిలోను ఎల్లప్పుడు ఉద్దేశాన్ని, అభయాన్ని ఇస్తాయి.

ఉదాహారణకు, దేవుడు మన విశ్వాసాన్ని బట్టి దైవసమూహములో మూడవ సభ్యుడు అనగా పరిశుద్ధాత్మ,¹⁰ యొక్క స్థిర సహవాసమును వాగ్దానము చేస్తున్నారు, తద్వారా యేసు క్రీస్తు యొక్క ప్రాయశ్చిత్తము ద్వారా మనం ఎల్లప్పుడు మన పాపముల క్షమాపణను పొంద,¹¹ మరియు నిలుపుకొంటామని, ఈ లోకములో శాంతిని పొందుతామని,¹² రక్షకుడు మరణపు బంధకాలను తెంచి, సమాధిని జయించెనని, మరియు కుటుంబాలు ఈలోకములోను, నిత్యత్వమంతటిలో కలిసి ఉండగలవని వాగ్దానము చేస్తున్నాడు.¹³

అర్ధవంతముగా, పరలోక తండ్రి తన పిల్లలకు ఇవ్వబోవు అత్యంత ఘనమైన మరియు విలువైన వాగ్దానములన్నీ పూర్తిగా లెక్కించబడలేవు లేదా వివరించబడలేవు. ఐనప్పటికి, నేను ఇప్పుడే సమర్పించిన వాగ్దాన దీవెనల యొక్క పార్షిక జాబితా మనలో ప్రతి ఒక్కరిని “పూర్తిగా ఆశ్చర్యపోయేలా” ¹⁴ మరియు యేసు క్రీస్తు నామములో “సాష్టాంగపడి, తండ్రిని ఆరాధించేలా”¹⁵ చెయ్యాలి.

“జీవితము యొక్క గొప్ప ఉద్దేశము, మనం మర్త్య శరీరములు పొందుటకు పరలోక తండ్రి మనల్ని ఇక్కడికి పంపుటకు, అదేవిధంగా మనం పిలువబడిన పరిశుద్ధమైన పిలుపుకు గల హేతువును మనం చాలా త్వరగా మర్చిపోతాము; అందువలన, ప్రాముఖ్యములేని, తాత్కాలిక విషయాలను జయించుటకు బదులు . . .  , మనం చాలా తరుచుగా దేవుడు స్థాపించిన దైవిక సహాయమును పొందకుండా లోకవిషయాలందు దృష్టిసారించుటకు మనల్ని మనం అనుమతిస్తాము, ఆ సహాయము మాత్రమే [ప్రాముఖ్యములేని సంగతులు] మనం జయించుటకు సహాయపడును”¹⁶ అని అధ్యక్షులు లోరెంజో స్నో హెచ్చరించారు.

లోకము యొక్క భ్రష్టత్వము మరియు దాని స్థాయికి పైగా లేచుటలో సహాయపడుటకు దేవుని చేత స్థాపించబడిన దైవిక సహాయమునకు రెండు ముఖ్యమైన మూలాధారాలు సబ్బాతు దినము మరియు పరిశుద్ధ దేవాలయము. సబ్బాతు దినమును పరిశుద్ధముగా ఆచరించుట మరియు దేవాలయముకు హాజరగుట యొక్క ఉన్నతమైన ఉద్దేశములు సంబంధము కలిగి ఉంటాయి కాని అవి వేర్వేరు అని మనం మొదట అనుకుంటాము. ఐనప్పటికి ఆ రెండు ఉద్దేశములు ఖచ్చితముగా ఒకటే అని, వ్యక్తిగతముగా మరియు మన కుటుంబాలలో మనల్ని ఆత్మీయంగా బలపరచుటకు అవి కలిసి పనిచేయునని నేను నమ్ముచున్నాను.

మర్త్యత్వము యొక్క వాడుకప్రకారమైన దినచర్యలతో, ఐహిక విషయాలతో మనం సులభంగా జయించబడవచ్చును. నిద్రపోవుట, తినుట, వస్త్రాలు ధరించుట, పనిచేయుట. ఆటలాడుట, వ్యాయామము చేయుట మరియు అనేక ఆచారబద్ధమైన కార్యక్రమాలు ఆవశ్యకము మరియు ముఖ్యము. కాని చివరకు, మనం ఏమి అవుతామో అనేది తండ్రి, కుమార, పరిశుద్ధాత్మల యెడల మనము కలిగియున్న జ్ఞానము మరియు వారి నుండి నేర్చుకొనుటకు గల సమ్మతి యొక్క ఫలితము; అది కేవలము మన జీవిత కాలములో అనుదిన అన్వేషణల యొక్క మొత్తము కాదు.

చెయ్యవలసియున్న వేర్వేరు పనుల యొక్క అనుదిన ప్రాథమిక సూచిక కంటే సువార్త చాలా ఎక్కువ; అది “సరిగ్గా అమర్చబడి”²⁶ మరియు అల్లబడిన సత్యము యొక్క పట్టుజలతారు, అది మనం మన పరలోక తండ్రి మరియు యేసు క్రీస్తువలె అగుటలో సహాయపడుటకు, అంతేకాక దైవిక స్వభావములో పాలుపొందుటకు రూపొందించబడినది. యదార్థముగా, ఈ మహోన్నత ఆత్మీయ సత్యము చింతలు, సమస్యలు, లోకము యొక్క తేలిక స్వభావములతో కప్పబడి, “ఆనవాలుకు అవతల చూచుట”²⁷ ద్వారా మనం గ్రుడ్డివారిగా చెయ్యబడ్డాము.

మనం తెలివిగాగా ఉండి, పరిశుద్ధాత్మను మన మార్గదర్శిగా ఆహ్వానిస్తే, ²⁸ ఏది సత్యమో ఆయన మనకు బోధిస్తారని నేను మీకు సాక్ష్యమిస్తున్నాను. మన నిత్య గమ్యమును నెరవేర్చుటకు మరియు దైవిక స్వభాములో పాలుపొందువారిగా అగుటకు మనం శ్రమపడినప్పుడు, “ఆయన క్రీస్తును గూర్చి సాక్ష్యమిచ్చును, [మరియు] మన మనస్సులను పరలోక దృష్టితో వెలిగించును.”²⁹

మన విధులు మరియు నిబంధనలతో ముడిపడియున్న మిక్కిలి ఘనమైన మరియు విలువైన వాగ్దానాలు ఖచ్చితమైనవని నేను సాక్ష్యమిస్తున్నాను. ప్రభువు ఈవిధంగా ప్రకటించెను:

“మీ రక్షణకు సహాయపడునట్లుగా, మీరు నా యెదుట ఏవిధంగా నడుచుకొనవలెనో నేను నిర్దేశాలనిచ్చెదను.

మీరు నేను చెప్పినది చేసిన యెడల, ప్రభువైన నేను బద్ధుడనగుదును; కాని మీరు నేను చెప్పినది చేయని యెడల, మీకు ఏ వాగ్దానము ఉండదు.”³⁰

మన పరలోక తండ్రి జీవించుచున్నారని, ఆయన రక్షణ ప్రణాళికకు కర్త అని నేను సాక్ష్యమిస్తున్నాను. యేసు క్రీస్తు ఆయన యొక్క అద్వితీయ కుమారుడు, మన రక్షకుడు మరియు విమోచనకర్త. ఆయన సజీవుడు. తండ్రి యొక్క ప్రణాళిక మరియు వాగ్దానాలు, రక్షకుని ప్రాయశ్చిత్తఃము, పరిశుద్ధాత్మ యొక్క సహవాసము “ఈ లోకములో శాంతిని, రాబోవు లోకములో నిత్య జీవమును సాధ్యము చేయునని నేను సాక్ష్యమిస్తున్నాను.”³¹ వీటన్నిటి గురించి ప్రభువైన యేసు క్రీస్తు యొక్క పరిశుద్ధ నామములో సాక్ష్యమిస్తున్నాను, ఆమేన్.