Report sang Departamento sang Awditing sang Simbahan, 2021

Pinalangga nga mga Kauturan: Sunod sa direksyon paagi sa rebelasyon, nga narekord sa seksyon 120 sang Doktrina kag mga Kasugtanan, ang Konseho sang Pagdumala sang mga Ika-pulo—nga ginalakipan sang Unang Pangulohan, sang Korum sang Dose ka mga Apostoles, kag sang Nagapamuno nga Bishopric—nagatugot sang paggasto sang mga pondo sang Simbahan. Ang mga organisasyon sa Simbahan nagagasto sang mga pondo suno sa gin-aprobahan nga mga badyet, mga polisa, kag mga patakaran.

Ang Awditing sang Simbahan, nga ginalakipan sang sertipikado nga mga propesyonal kag independiyente sa tanan nga mga departamento kag organisasyon sang Simbahan, may responsibilidad sa pag-awdit sa tuyo nga maghatag sang nagakaigo nga deklarasyon parte sa mga kontribusyon nga nabaton, mga ginhimo nga paggasto, kag sa pag-amlig sang mga pagkabutang sang Simbahan.

Base sa mga awdit nga ginhimo, ang Awditing sang Simbahan nagahatag sang opinyon nga, sa tanan nga materyal nga aspeto, ang mga kontribusyon nga nabaton, mga paggasto nga ginhimo, kag mga pagkabutang sang Simbahan para sa tuig 2021 ginrekord kag gindumalahan suno sa aprobado nga mga badyet sang Simbahan, mga pamaagi sa accounting, kag mga polisa. Ang Simbahan nagasunod sa mga pangginawi nga ginatudlo sini sa iya mga miyembro sa paggasto sa sulod sang badyet, paglikaw sa utang, kag pagsupot para sa tion sang pagkinahanglan.

Matinahuron nga ginasumite,

Departamento sang Awditing sang Simbahan

Jared B. Larson

Tagdumala nga Direktor