Manatu mo Afiafi Faaleaiga

O nei fautuaga faaleaoaoga e mafai ona faaaoga i potuaoga faapea foi i le aiga. E mafai ona e fetuunaia nei manatu i lou aiga po o le vasega.

“Avanoa i le Faletalimalo,” i. 8: Faapupuu faatasi i lalo o se palanikeke, ma faafoliga o loo outou i ai i totonu o le taavale o loo i le tala. Faamatala le tala. Ia talanoaina pe faapei le faaaluina o le Vaeluaga o le Kerisimai i totonu o le veni. Ia talanoaina pe na faapefea ona auauna atu le tausi faletalimalo i le aiga. Ia fuafua ma le agaga tatalo se auala e mafai ai e le tou aiga ona auauna atu i isi i lenei vaitau o le Kerisimasi.

“O Se Vavega o le Kerisimasi,” i. 12: Ia faamatala atu le tala a faifeautalai i lou aiga. Ia talanoaina le olioli na aumaia e pesepesega i tagata sa i totonu o le nofoaafi. Fuafua se galuega faatino o le Kerisimasi e mafai ona fai e lou aiga mo se isi tagata.

“Ia Faapaiaina La Outou Galuega,” i. 20: Filifili ni aitema se lima e faaaoga o ni maa e savali ai, e pei o maa po o pepa. Faaigoa aitema taitasi i autu o vaega mai le tusiga. Laa mai i le tasi maa i le isi a o outou talanoaina ia vaega. Mafaufau e faitau ia mau mai le tusiga. Talanoa e uiga i maa faalavea aao tatou te fetaiai i o tatou olaga Faaiu i le faitauina o ni nai parakalafa faaiu o le tusiga.

“Maofa i le Alofa o Iesu Mo Au,” i. 28: Faitau le vaega “Olioli i le Toefaatasia” e oo i le vaega ina ua latalata atu le faifeautalai i lona aiga. Fai atu i tagata o lou aiga e mate po o ai le tagata muamua e oso atu e faafeiloai le faifeautalai. A uma le tala, ia talanoa e uiga i le alolofa o matua i a latou fanau ma le alofa o le Tama Faalelagi mo i tatou uma lava.

“O Le Tagata Foai Faalilolilo,” i. U14: Faamatala atu i lou aiga le tala ia Tavita. O le a se mea na aoaoina e Tavita? I le faaaogaina o lana faataitaiga o le avea ma Tagata Foai Faalilolilo, ia mafaufau e fai se mea se tasi o mea nei: (1) Ia filifili ma le agaga tatalo ni tagata po o se aiga o lo outou eria o e atonu o loo tuua toatasi pe o manaomia se fesoasoani. Ia fuafua ni gaoioiga talafeagai o le auauna atu mo i latou. (2) Tusi igoa o tagata o le aiga i ni fasipepa. Filifili se igoa, ma ia auauna atu faalilolilo i lena tagata i le vaiaso lenei.