Mai le Soifuaga o le Perofeta o Iosefa Samita
O Le Maliu Fasia o le Perofeta
Sii mai le Reed Blake, “Martyrdom at Carthage,” Ensign, Iuni 1994, 30–38; tagai foi Aoaoga a Peresitene o le Ekalesia: Iosefa Samita (Kosi aoao a le Perisitua Mekisateko ma le Aualofa, 2007), xxi, 23–24, 460, 529–30.
Sa mananao nisi o tagata leaga e fasioti Iosefa Samita. Sa filifili loa i laua ma lona uso o Ailama e o ese mai o laua aiga i Navu ina ia la maua se saogalemu. Sa la faatofa atu ma le faanoanoa i o latou aiga ma amata loa ona la malaga ese atu.
Na taumafai ni tagata e fasioti lou uso o Iosefa, ma na lapataiina o ia e le Alii e sosola atu i Mauga Papa ina ia faasaoina ai lona ola.
Na o mai ni vaegaau i Navu e pue atu Iosefa ma Ailama. Sa popole tagata i Navu i ni mea o le a fai e le vaegaau, o lea na auina atu ai e Ema ni tagata e tau atu ia Iosefa ma Ailama. Sa filifili i laua e o atu i Karafasi Na iloa e Iosefa o le a oti ai o ia iina.
Ou te alu atu e pei o le tamai mamoe a fasia; a e ou te filemu e pei o le taeao i le tauvevela; o ia te au le loto fuatiaifo e mama i le Atua, ma tagata uma. O le a ou oti mama ma o le a faapea ane ia te au—na fasiotia o ia ma le loto i ai.
Na pue e se leoleo ia Iosefa ma Ailama ma auina atu i laua i le Falepuipui i Karafasi. E toatele tagata na asiasi atu i le Perofeta iina. I le aso 27 o Iuni, 1844, na nonofo ai Ailama, Elder Ioane Teila, ma Elder Uiliata Risati faatasi ma ia [Iosefa Samita] i le potu i le falealuga o le falepuipui.
Na matuai vevela lava le potu i lena aoauli. Na tatala e nei alii ia faamalama ina ia maua ai sina malu. Na faitau e Ailama se tusi a o talanoa atu Iosefa i se leoleo o le falepuipui. Na usu e Ioane Teila le pese “Se Tagata Mativa Faanoanoa” (Viiga, nu. 16).
Se tagata mativa faanoanoa ma te fetaui pea i le ala …
Faamolemole toe usu le pese lena, Ioane.
Uso Ailama, ou te le o lagonaina se fia pese.
O le a e maua lava lona agaga.
Na sio e se vaega o tagata leaga le falepuipui. Ona latou taufetuli atu lea i faasitepu agai i luga, ma faapapa a latou fana. Na fasiotia ai Ailama.
Auoi! Si ou uso pele o Ailama.
Na faaono ona faapa e Iosefa lana fana i le taumafai e taofi tagata leaga. Ona tamoe atu lea o ia i le faamalama. Na fana o ia e le vaega leaga, ma pau ai o ia i fafo o le faamalama.
Le Alii e, lou Atua!
Ina ua logotala le Au Paia o Aso e Gata Ai i Navu i le tala i le maliu o le Perofeta, na matuai faanoanoa lava i latou. E silia i le 10,000 tagata na savalia totonu o le fale o Iosefa e vaavaai i tino maliliu o le Perofeta Pele ma lona uso.
“O Iosefa Samita, le Perofeta ma le Tagata Vaai o le Alii, e sili atu ana mea ua faia, vagana o Iesu lava, mo le faaolataga o tagata i lenei lalolagi, i lo soo se isi lava tagata ola na ola ai. … Na ola maualuga o ia, ma na oti maualuga o ia i luma o fofoga o le Atua ma lona nuu; ua … faamaufaailogaina lana misiona ma lana galuega i lona lava toto” (MFF 135:3).
Ata na tusia e Sal Velluto ma Eugenio Mattozzi