I a tibwa kateirakeaki ni mwakuri i Bengaluru, India, te kaawa ae raroa nako ma oin mweengau ae Chennai. I kukurei n au mwakuri ae boou; e ngae n anne, kaainakin te mwaanga ae boou bon te namakin ae kaokoro. I riki bwa kanga te irua, ao I rangin n ururinga au mwaanga ni mweengau. Imwiina ao I wareka te rongorongo “Making Any Ward ‘Home’” n te Tianuare 2008 Riaona. I namakina te rau n nano, ao I moanna ni kabwarabwaraai nakoia kaain te ekaretia aika mwaiti. I karekea te wewete ao ni karekeia raoraou aika boou. Ma te bwai ae kakaawaki riki, I ataia raoi bwa bukin tera ae I nakon te taromauri. Ngkai I kakaaia aomata aika boou mani kawariia. Ko rabwa ibukin te beeba ni kaongora.

I aki toki ni uouota te Riaona ma ngai. Ibukin aei, I a tia ni kona ni karekeia taan kan reireinaki aika mwaiti ibukiia mitinare. Ngke I tabe n tataningaa au tai n te onaoraki, I warekia, ao aomata a rangin ni ingainga ni kan ataia, ngaia ae e a reke au tai n taekinna nakoia rongorongon ana euangkerio Iesu Kristo ao te baire ni kamaiu are e reireiniira te Atua. Uouotakin te Riaona irou n taabo ake I nako iai e a tia ni buokai n tataekina taekan Iesu Kristo ao n tataekina te euangkerio nakoia aomata.