Kakakean Anene te Taromauri ae Mamaten te Nano

Te bertitenti n ara mition e a tia ni boaia mitinare n te Ghana Accra Mition bwa ana “aki kamangaoaki.” E rangi ni kamoamoaki ni kabonganan te kibu n taeka aei. N teuana ibuakon ara zone conference e kaoti tabeua anga ibukin karaoan aei, ao te boto ni iango ae kakaawaki ibuakon are e tauraoi irouna boni karekean te anene n taromauri ae mamate nanom iai.

E tuangira bwa ti na rinea te anene ae ti tatangiria, ni kamate nanoa ao n aneneia n taai are ti kariiriaki iai ke ngkana ti rawawata. Te taeka aei e tatangibwerei n au iango n auan te bong.

I uringa mweengau. Akea irouia kaain au utu ae koroboki nakoiu n taai aikai, ao I namakina te aki rau. E aki rangi ni bwanin au iango. Aio te tai are I tangiria n rinea te anene teuana bwa e na kaoka nanou. I taneiai ma anene aika mwaiti n ara boki n anene ae kiriin kunna, ma ai tera ae I rangi n tangiria riki?

N te tairiki anne, I anaa te boki n anene ni kawai ae mangaingai baana, man rairairi baana ni kakaea te anene ae karau nano taekana nakoiu. E waekoa n reke au iango ae katawe. Unimwane Sheldon F. Child man te Itingaun, n te tai anne bon te Africa West Area President, ao e a tia ni kawarira n te tabo ni kataneiai ibukin te reirei ni mitinare man taetae iaon te Mwakuri ni Kamaiu. E taku ana kabanea n taeka, “Ngkana ngkami mitinare aika kam rikirake kam mataata n ana Makuri ni Kamaiu ara Uea ae Iesu Kristo, ana bon akea tangiran taian tua ibukin te mition.”

Anne te aekaki n anene n taromauri ae I tangiria. I aki manga mangaongao. Ngkana iai irou te anene ibukin te Makuri ni Kamaiu, N na namakina ana tangira au Tia Kamaiu, ao N na bon aki kamangaoaki iaon bwaai ake E tangirai bwa N na karaoi.

N tokina ao I rinea te anene n taromauri ae nambwa 38, “I Ataia E Maiu Iesu.”

N te bong aei ao I rangi ni kakaitau nakon te beretitenti n ara mition ibukin ana taeka n reirei. Ngkai e a reke te anene n taromauri ae mamate nanou iai ae Ia tia naba ni kamatenanoa, ae I iaiangoa nanona ao I ururingnga n aneneia n tain rawawatau, kaririakiu ao kangaanga. “I ataia bwa e maiu te Tia Kabooai. Ai kamweraoira nanon te kibu n taeka aei. … E maiu bwa e na anga te kakabwaia n te tai are e kainnanoaki iai.”