Te onimaki n Rinanon te Karanga

Rafael Mateo ao natina Whalincon (e kinaki bwa “Whally”), e tei inanon roon te buaka n te bwakantaai anne ni kamataua taran te aira inanon te karanga are a rikirake rietana ibukin te karau. Rafael, te moan kauntira n te beretitentii n te mwanga, ao Whally, te beretitenti n aia bootaki mwaane, a oki rikaki nakoni mweengaia imwin aia bowi ae mwaiti n te Tabati anne n aia umwantabu i San José de Ocoa n te Dominican Republic.

A rangi ni mwaimwai imwin mwanangaia iaan te karau ae korakora ngke a rinanon te karanga ae te Río Ocoa are e a riki bwa te totoko ae kakamaku imarenan te umwantabu ao mweengaia. N tain aki bwakan te karau, te rianna n ruo rikaki ae 6 te kiromita (4 te maire) man iteran te kamwanono are e tei iai te umwantabu ao te manga tamwarake n iterana are e mena iai mweengaia e kabanea te tai ae teuana te aua. Ma n tain te kakarau ao n taonakon te karanga, Rafael ma ana utu a kabanea teniua te aua, n nakonako 15 te kiraomita (9 te maire) ni kakaea kawaia ae a na rinanon iai te karanga n aki kabuanibwai.

E rangi ni mwaiti ana tai Rafael n ririanna n te kawai aei mai mwaina. E a tia n rinanon te karanga ni katoa bong ibukin kaean ana mwakuri inanon te maan ae 12 te ririki. E kaawakina weteana bwa te beretitenti n te mwaanga, inanon onoua te ririki mani moan rineana, uoua namwakaina imwin bwabetitoana, ao aei are e a kamwaita riki mwamwanangana anne. Imwin anne manga te wewete nakon te beretenti n aia bootaki mwaane. E a manga weteaki imwina nakon te beretitentii n te mwaanga.

Ma te taneiai n aroaroan te karanga e aki kauarerekea te kangaanga ao te aira ngkana e rikirake korakorana e kona n riki bwa te bwai ni kamamate n aron te karanga ae rababa are a kanoaia. N te tai teuana ae aki rangi ni maan, ao korakoran te aira e a tia ni katika nako temanna kain rarikiia man tiringnga.

Te tama ma natina a tataninga teutana i etan te ran, ao imwina e ruo Rafael. E aki rangi n rababa te karanga, ma bukina bwa e korakora te ran inanona, e kenna ni kananoa n te aro ae e kakubanako. Te ran ae mwaitoro, are tang airana e katiki moa rangana, imwina bebena ao n rokoroko ni bwabwana.

E namakinna Rafael bwa e a reke n te kanganga. E maranran atibun nanon te karanga ao e aki boraoi ao korakoran te aira e ana korakoran waena. I nukan te karanga, e a kabanea korakorana ni karekea teina, ao e a kunea bwa e aki kona ni keerake ke ni keerikaki.

Ngke e a namakinna bwa e aki tau korakorana ni kaitara te aira, e namakina keebutuakina mai akuna nakon iteran te karanga are te iterana. Ngke a roko ni iteran te karanga are te iterana ao e a tibwa ataia ae tiaki Whally ae e kamaiua bwa e bon tiku ni iterana are e kaitara.

E karekerekea kamaiuana nakon mwaakan te Tia Kamaiu are e a bon tia ni buokia n anganna te maiu man katikitikin nako te maiu aika a kaitara te rabwata ao te tamnei.

“I a tia n anganako rabwatau n tai aika bati nako nanon te ran ae rietata nakon bwabwau n au mwakuri ibukin te Uea,” e taku Tarira Mateo. “Ma I namakina te tarau ae bati iroun te Uea. E aki ti anganai te kona ni beku ibukina ma te nanomwaka naba.”

N aron te uea ae Tawita, Tarira Mateo e ata te Tia Kamaiu bwa “e kairai, e burimauniai mai buakon raan aika bati. E kamaiuai mairoun aiau ae korakora” (Taian Areru 18:16–17).

Te koaua anne e a tia ni buokia n anganna te tokanikai inanon kanganga aika aki rangi ni kakaoti ma a boni koaua n aekan te rinanon te karanga n tain te angibuaka n te bwakantaai anne ma Whally.

N aki tabeakina bobuakan boon te mwananga, Tarira Mateo, buuna, Altagracia; ao teniman natiia a kabaeaki n te tembora n 2001. Man te tai anne a tia n anganano bwa a na kaawakina aia mwane ae e tau ibukin kawaran te tembora uatai ni katoa ririki.

Te mwakuri ao te anganano, n rabwata ao n tamnei, a boni materaoi nakon Tarira Mateo.

“E aki rawawata ngkana ko ataia bwa tera bukina,” e taku. “Ti buaka ibukin bwaai aika a karietataki riki nakon bwain te aonaaba.”