Bitakin Au Kouru

N te bootaki n toa n te Tabati teuana, I kabanea nanou n ongora nakon ana taetae te tia taetae ibukin te intitute. E tibwaua ana taeka Unimwaane L. Tom Perry n te Kooram n te Tengaun ma Uoman n Abotoro, n taekinna, “E a tia ni katamaroa maiu te intitute, ao I ataia bwa e na karaoa ae titebo ibukim. E na otabwaniniiko ma te otanga ni kakaawakin ni kainaomatako man ana kariiri ao ana kakatai te aonaaba.”¹ Bon imwina are I a tibwa ataia raoi bwa te koaua n ana taeka te Unimwaane Perry bwa e a kaman tia ni kakoaua nakoiu. Ai kukureira ngai ibukin taian kakabwaia ake a tia n roko nakoiu bukina bwa I ira te intitute.

E aki maan ngkoa, ao I atia ni moana au kiraati n te intitute i aon ana reirei Itaia. Ni karokoa te bong aei e bon tiku bwa te kabanea ni kiraati ni bitakin-te maiu ae I atia n anaia. Te tiemetita anne ai bon te tai ni kamangaongao ibukiu; tiaki ni kabane au kouru ao au moanibwai ake a boraoi ma tuan te euangkerio. E ngae n anne, I iriira te intitute ni katoa tai ao ni kaei marooro aika mwaiti teuana-iaon-teuana n taekan ana reirei te Ekaretia ma te tia anga-reirei n te intitute. Inanon te waaki, ngke e bitaki au iango, I biti au kouru ma te karaurau ao ni kangaraoi ma ana babaire te Uea ibukiu.

I bon aki ataia ni karokoa ae a ongoraeaki iai ana kibu n taeka Unimwaane Perry ni bootakin te toa n te Tabati anne are I a tibwa ataia ni koaua bwa a kanga au kouru aika boou ni kakabwaiaai. E korakora tamaroan maiu ni kabane ngke I ira te intitute. I a rangi n tauraoi riki nakon te Tamnei ao n teiararoa riki nakon taian kariiri. Anuau ao tarakiu a tia n rikirake n tamaroa ibukin iriiriu n taainako.