Ou te faafetai lava i lenei mekasini ofoofogia faapea ma molimau, faamatalaga fou, faamalamalamaga o mau, ma mea e faaaoga mo le aoaoina atu o lesona o loo i ai. E tele ni taimi pe a ou fesili atu i le Tama Faalelagi, e taitaiina atu ai a’u e le Agaga Paia i le Liahona, lea na ou maua ai tali i a’u fesili. Ou te mauaina ia lomiga taitasi ma le olioli.

E ese lo’u fiafia i le Liahona, ma e ta’i lima a ma kopi ma lo’u toalua e maua. Ma te faaaogaina mekasini faasili o ni meaalofa mo o matou tuaoi. Na faamatala mai e se tasi o o matou tuaoi, ina ua sau o ia i le fale na le lavā ma atuatuvale mai le galuega, sa fiafia o ia ina ua tau i le mekasini i lana pusameli. Ou te iloa o mea uma lava o loo i totonu o le mekasini e musuia—mai savali a le Au Pulega Aoao e oo i tala mai tagata o le ekalesia—ma o le faitau i ai ou te maua ai le malamalama ma faamanuiaga ma fesoasoani foi ou te maua ai le alofa ma le malamalama mo o’u uso a tagata.