Sa Ou Folafola Atu i le Tama Faalelagi

A o tolu tausaga le matua o Yukari, sa tufa ai i lana aoga faataitai ia susu e i ai le kofe. Ona sa aoaoina Yukari e lona tina e uiga i le Upu o le Poto, o lea sa le inuina ai e Yukari le kofe faasusu. Na te faatumuina lana ipu i vai ona inu lea.

O se tasi aso na fai atu ai Yukari i lona tina, “Ou te fia inu i le kofe faasusu e pei o isi tagata.” Sa la saofafai faatasi i lalo ma lona tina ma ia fesoasoani e faamalamalama atu ia [Yukari] e alofa le Tama Faalelagi ia te ia, ma e le manao o Ia e inu i se kofe, ma o se poloaiga lea. Na amata mai i lena lava aso, sa faamautinoa ai e Yukari e le manao e inu i se kofe. Ua mavae le sili atu ma se tausaga.

I se tasi aso ina ua le aoga le faiaoga a Yukari, na sau ai se isi faiaoga i le vasega. Sa inu se ipu vai a Yukari, e pei ona masani ai. Sa iloa atu e le faiaoga lenei mea ma fesili atu, “Aisea ua e inuina ai le vai?” Sa faamatala atu e Yukari e auai o ia i le ekalesia ma sa ia folafola atu i le Tama Faalelagi na te le inuina se kofe. Sa faagaeetia le faiaoga. Na amata mai i lena taimi, ua le toe tufaina atu e le aoga faataitai se kofe faasusu ae ua tufaina atu isi meainu.