Ang Bahaging Para sa Atin

2010

Pebrero 2010

Ang Bahaging Para sa Atin

Pagsasanay at Paghahanda

Isang araw ng Linggo hinilingan akong tumugtog ng biyulin sa sacrament meeting. Kabadong-kabado ako habang tumutugtog at nanginginig ang mga kamay at binti ko. Akala ng mga tao sa kongregasyon ay napakahusay ng pagtugtog ko, pero dama ko na mas mahusay pa sana ang nagawa ko. Tulad ng sabi sa Doktrina at mga Tipan 38:30, “Kung kayo ay handa kayo ay hindi matatakot.” Natutuhan ko sa karanasang ito ang kahalagahan ng pagsasanay.

Hindi lamang ito angkop sa isang instrumento kundi sa kahit anong bagay sa buhay. Halimbawa, sa klase sa geometry hindi ko maintindihang mabuti ang paksang pinag-aaralan. Nang mag-aral akong mabuti, naging maganda ang resulta, at naintindihan ko ang paksang pinag-aaralan. Ganyan din sa ebanghelyo. Kapag nagsasanay tayo sa pagbabahagi ng ating patotoo, mas magagawa natin ito at hindi tayo masyadong kakabahan o mag-aalinlangan sa pagbabahagi nito. Sa katunayan, kung minsan ay ibinabahagi ko ang kaalaman ko sa ebanghelyo sa kaibigan ko sa paaralan na hindi naniniwala sa Diyos.

Alam ko na mas maganda ang magagawa natin sa buhay kung magsasanay tayo.

Tifare C., 15, Virginia, USA

Kapag Nagpapasa Ako ng Sacrament

Noong una akong nagpasa ng sacrament bilang deacon, kabado ako mula simula hanggang matapos ito. Nag-alala ako na mapunta ako sa maling direksyon o sa maling hanay ng upuan. Natatandaan ko noon na hindi nawala sa isip ko ang pag-asam na makapagpasa ng sacrament. Minasdan ko ang mga deacon tuwing linggo at inisip na kagalang-galang silang tingnan.

Ang sacrament ay mahalagang sandali kung saan iniisip natin si Jesucristo at kung ano ang mababago natin at paano tayo bubuti pa. Matutulungan ng isang deacon ang iba na lubos na pagtuunan ang sacrament sa pamamagitan ng maayos na pananamit, pagiging mapitagan, marahang paglakad, maingat na paghawak sa mga sacrament tray, at hindi pakikipagbiruan.

Nagampanan ko ito sa unang linggo ko nang hindi nagkakamali, at hindi na ako kinabahan pa. Sa halip, kapag nagpapasa ako ng sacrament, mapitagan at masaya ako.

May apat akong nakababatang kapatid na lalaki at sinisikap kong tulungan sila at hindi makipagtalo sa kanila. Napakahalagang maging mabuting halimbawa. Kung hindi, iisipin nilang hindi mahalaga ang priesthood. Pero mahalaga ito. Nagbago ako mula nang matanggap ko ang priesthood. Ang isang mabuting mayhawak ng priesthood ay dapat sumunod sa mga utos, mabuting makitungo sa iba, at alalahanin na tayo ay mayhawak ng priesthood sa paaralan gayundin tuwing Linggo.

Hao-Chen W., 15, Taiwan

Ito ang Bahaging Para sa Inyo

Ito ang mga pahinang para sa inyo—ang inyong pahina para maibahagi sa iba pang mga kabataan ang kahulugan sa inyo ng ebanghelyo. Narito ang inaasahan ninyong mababasa sa mga pahinang ito at kung ano ang inyongmaiaambag:

Ang mga karanasan o ideya na nakatulong sa inyo na maunawaan at maipamuhay nang mas mabuti ang ebanghelyo.
Isang high-resolution na retrato na kuha ninyo, at isang talata bilang caption.
Isang magandang karanasan habang ginagawa ninyo ang Tungkulin sa Diyos o Pansariling Pag-unlad.
Mga komentaryo ninyo tungkol sa isang talata ng banal na kasulatan na nagbigay-inspirasyon sa inyo. Lakipan ng inyong retrato kung gusto ninyo.
Feedback tungkol sa Liahona. Ano ang mga nagustuhan ninyong basahin?

Ipadala sa e-mail ang inyong kuwento, retrato, o mga komentayo sa liahona@ldschurch.org. Mangyaring isulat ang “Our Space” sa subject line, at lakipan ng pahintulot ng inyong magulang para mailathala ang ipadadala ninyo sa amin. Ang mga isinumite ay maaaring i-edit para umakma sa haba at mas luminaw pa.