“Mo Nanumi Koya ka Buli Iko Ni Ko sa Cauravou Tiko” (Dauvunau 12:1)

Era tukuni tu ena ivolanikalou na nodra cakacaka vakalotu na parofita kei na iapositolo. E vuqa vei ira na iliuliu oqo era sa kila tu mai na Kalou ni ra se gone. Oqo e lima na itukutuku vakaivolanikalou era vakamacalataka tiko na veika era sotava eso vei ira na iliuliu ni veisiga ni mataka.

• A kacivi o Joni na Daupapitaiso, me vakarautaki ira na tamata “ki na nona lako mai na Turaga,” ni sa “lesi koya na agilosi ni Kalou ki na ilesilesi oqo ni sa qai bogi walu ga” (V&V 84:27–28).

• Na tui o Josaia, a vakatikori ni se qai yabaki walu walega, ka a nona cakacaka ena 31na yabaki ni nona veiliutaki me vukei ira na Jiu mera saumaki mai ki na kosipeli (raica na 2 Tui 22).

• A se qai yabaki 10 toka o Momani ena gauna a digitaki koya kina o Amaroni me na dau vola na ivola tukutuku (na peleti i Nifai). Ni sa yabaki 16 a liutaka o Momani na mataivalu i Nifai. (Raica na Momani 1:2–4; 2:1–2.)

• O Tevita a dua walega na “cauravou” (gonetagane) ena gauna a vakamatei Kolaiaci kina, sa vaka talega beka kina na nodra yabaki ni bula o ira na sotia ni mataivalu i Ilamani (raica na 1 Samuela 17:49–56; Alama 53:22).

• E a yabaki 17 tiko o Josefa ena gauna a volitaki kina ki Ijipita, ni sa “tiko kei Josefa ko Jiova” (raica na Vakatekivu 37:2, 27–28; 39:2).