Katahum sa Palibut
Hunahunaa nga kamo nagbisita sa Africa. Sa inyong pagtan-aw sa ihalas nga mga hayop ginamit ang inyong teleskopyo, inyong mamatikdan nga dunay nagpaingon ninyo. Usa ka eagle owl! Sa nagkaduol na kini, inyong giali ang inyong mga bukton sa pagpanalipod sa inyong kaugalingon. Apan imbis moataki, ang owl hinay nga mitugdon sa inyong bukton, naghimo og gamayng kasikas ug nagtan-aw ninyo sa makadiyot sa dayon na sad nga lupad. Nahitabo kini ni Presidente Boyd K. Packer, Presidente sa Korum sa Napulog Duha ka mga Apostoles. Ganahan siya og mga hayop ug ilabi na sa mga langgam.
Pinaagi sa art gipakita ni Presidente Packer kon unsa ka dako sa iyang gugma sa kinaiyahan. Sukad pa sa iyang pagkabata, ganahan siyang magdrawing, magpintal, ug magkulit. “Ang tanan nakong naobserbahan nagkumpirmar sa akong kalag nga adunay Dios, kinsa milalang niining tanan,” miingon si Presidente Packer.
Gidrawing ni Presidente Packer kini nga mga hayop sa dihang 11 anyos pa siya. Ang iyang papa magdala og papel nga wala gamita sa lokal nga pamantalaan, ug si Presidente Packer mag-ubo ug magdrawing. “Kon ang pag-drawing usa ka sakit, ingon og ako grabing nataptan,” miingon siya.
Mga 10 anyos si Presidente Packer sa dihang gihimo niya kini gikan sa pinecones nga nakit-an sa pagkamping sa pamilya.
Samtang nagserbisyo sa militar, mopadala og mga sulat si Presidente Packer sa mga sobre nga iyang gidekorasyunan panahon nga wala siyay buhat.
Nakakulit si Presidente Packer og dinosena nga mga langgam sa mga katuigan nga milabay. Miingon siya nga ang pagkulit nakatabang niya sa pag-relaks ug paghunahuna unsay iyang isulti sa umaabot nga mga pakigpulong.
Si Presidente Packer migabas ug mipintal sa wood bird sa ubos sa dihang bata pa siya, ginamit ang tabla sa karaan nga mga kahon ug pintal nga hinatag sa silingan.
Mga litrato sa maayong kabubut-on ni Presidente Boyd K. Packer