VROOM. VROOM. VROOM. Sa tilotilo atu Asalei i fafo o lona faamalama. Sa ia vaaia ai se loli lanumoana. Sa ia vaaia ni faaputuga tetele o palapala. O loo fausia e tuaoi so latou fale fou.

“O a mea e maua mai ai faaputuga palapala?” o le fesili lea a Asalei. “O ai e faia fale?”

“O loli e faia faaputuga palapala,” o le tala lea a Tina. “O tagata faufale e faia fale.”

“Na fai mai lo’u faiaoga o Iesu sa faia mea uma,” o le tala lea a Asalei.

“Ioe,” o le tali lea a Tina.“Sa fai e Iesu mea uma latou te fauina ai ia fale.”

Sa tilotilo atu Asalei i le latou fanua. “E pei o laau, ma maa, ma palapala?” o le fesili lea a Asalei.

“Ioe,” o le tali lea a Tina.“Sa fai foi e Iesu o tatou tino. E mafai e o tatou tino ona fau ni mea.”

Sa fiafia Asalei. Sa fesoasoani Iesu i ona tuaoi ina ia mafai ona latou fausia se fale. Sa ia iloaina e mafai foi ona Ia fesoasoani ia te ia e fai ni mea. ◼