“O Le Avea ma Soo i Taimi Uma, i Mea Uma, ma i Nofoaga Uma,” itulau 22: Fuafua e valaaulia lou aiga e faatumu le “aafiaga o le avea ma se soo” o loo talanoaina i le tusiga lenei. Mo se vaiaso se tasi, suesue ma le agaga tatalo se aoaoga patino a Iesu Keriso po o se tala e uiga i ai. I le isi afiafi faaleaiga, e mafai e tagata o le aiga ona lipoti mai i o latou aafiaga ma malamalamaaga.

“Moli … Meapueata … Faatino!”, itulau 48: A uma ona faitau le tusiga lenei, ia talanoaina ma lo outou aiga le taua o le filifilia o faasalalauga lelei. Mafaufau e valaaulia tagata o le aiga e faasoa mai se faataitaiga se tasi e fiafia i ai, o faasalalauga lelei ma pe na faapefea ona fesoasoani ia i latou. Atonu e te manao e faaali se ata o Iesu Keriso ao outou talanoaina pe faapefea ona filifili ia faasalalauga e lelei ona tatou matamata ai, pe faalogologo i ai pe a faapea o tatou i ai ma le Alii. (O loo i ai nisi manatu faafaiaoga mo lenei autu e maua i le itulau 9.)

“Aumaia o le Peraimeri i le Fale,” itulau 64: Fuafua e savalivali o se aiga e vaai pe fia ni mea e mafai ona outou vaai i ai, sa foafoaina e le Tama Faalelagi. Atonu e mananao tagata o le aiga e ao mai ni mea, tusi ni ata, pe pue foi ni ata o mea e sili ona fiafia i ai. E mafai ona faaiu i le usuina o le “E Alofa Lo’u Tama Faalelagi ia te Au” (Tusipese a Tamaiti, 16–).