E Faapefea Ona Ou Taitaia se Fonotaga?
Ata na tusia e Scott Greer
O lena ua atoa lou 12 ma ua siitia atu mai le Peraimeri i Tamaitai Talavou po o le Perisitua Arona. O loo sologa lelei lava mea uma ma ua e fiafia i nisi o mea ua mafai ona e faia. Ua e iloaina ai, o lenei suiga e aumai ai foi ma ni tiutetauve fou. O se tasi o na tiutetauave o se mea e te ono faafefefefe laitiiti ai o le, e ono talosagaina oe e taitai i fonotaga.
E faalagolago po o le a le fonotaga e te taitai ai (gaoioiga o le Mutuale, fonotaga i Aso Sa, fonotaga a au peresitene o korama po o vasega), o mea e manaomia ma lisi o mataupu o fonotaga atonu e ono eseese laitiiti, ae o nisi nei o fautuaga masani ma taiala e tagai i ai a o e faataunuuina lenei tiutetauave:
-
Faaaoga se lisi o mataupu e faailoa ai mea o le a tutupu i le fonotaga. Fesili i ou taitai pe i ai se mamanu o le lisi o mataupu mo le fonotaga e te faatumuina.
-
Filifili musika o le a valaaulia ai le Agaga.
-
Faatulaga ni tatalo amata ma le faaiu.
-
Fai tofitofiga a o le’i oo i le taimi o le fonotaga pe a mafai ai.
-
Ia e vave alu ina ia mautinoa ua sauni uma mea uma.
-
Faasilasila po o ai o le a tatalo, taitai pese, fai le aoaoga, ma fai isi mea i le fonotaga.
-
Ia e faaaloalo a o e taitai ma faataga le Agaga e taiala oe. Ia avea ma se faataitaiga lelei mo isi talavou e auai atu i le fonotaga.
O le iloa ona taitai se fonotaga atonu e ono taufaafefe i le taimi muamua, ae o le a faigofie a o e fai sooa, ma o le a fesoasoani e te maua ai nisi o tomai o le a e manaomia i le avea ai ma se taitai o le Ekalesia i le lumanai.