O Le Gagana E Sili Ona Lelei

Talu ai tatou te faaaogaina le gutu lava lea e tasi tatou te tautatala ai, e tatalo ai, e faasoa atu ai a tatou molimau, ma faamanuia ai le faamanatuga paia, o lea e ao ai ona tatou faaeteete ai ia tausisia le mama ma le le pona o a tatou upu. O le ala tatou te tautatala ai e tau atu ai ni mea se tele e uiga i le ituaiga tagata e i ai i tatou ma le ituaiga olaga o tatou ola ai. Fai mai le Aposetolo o Paulo, “Aua nei alu atu se upu leaga ai o outou gutu, nao le upu lelei e ati ae ai i mea e aoga, e tupu ai le lelei i e faalogologo i ai” (Efeso 4:29). E le fiafia lo tatou Tama Faalelagi pe a tatou ta’u fua Lona suafa.

O le faafeagai o upu masoa o le tatalo. Pe a tatou tatalo, tatou te faaaoga le gagana e sili ona lelei tatou te mafaia. A o tatou talanoa atu i lo tatou Tama oi le Lagi, o le e alofa ia i tatou, e taua ia i tatou ona tatou faia o lea i le mama a’ia’i ma le faamaualalo. O lenei faiga, o le a taialaina ai i tatou ma mafai ona tatou iloa faamanuiaga e le mavae o le talalelei i o tatou olaga.