Mensahe sa Visiting Teaching
Nakabig ngadto sa Ginoo
Tun-i kini nga materyal sa mainampuon nga paagi ug, kon angay, hisguti kini uban sa mga sister nga inyong bisitahan. Gamita ang mga pangutana aron pagtabang kaninyo sa paglig-on sa inyong mga sister ug sa paghimo sa Relief Society isip aktibong bahin sa inyong kaugalingon nga kinabuhi. Alang sa dugang nga impormasyon, adto sa reliefsociety.lds.org.
Hugot nga Pagtuo, Pamilya, Kahupayan
Ang bag-ong mga sister sa Simbahan—lakip sa Young Women nga mosulod sa Relief Society, mga sister nga padulong sa pagkaaktibo, ug bag-ong mga kinabig—nagkinahanglan og suporta ug panaghigalaay sa mga visiting teacher. “Ang pag-apil sa mga miyembro importante aron magpabiling aktibo ang kinabig ug mapaaktibo ang dili kaayo aktibo nga mga miyembro,” miingon si Elder M. Russell Ballard sa Korum sa Napulog Duha ka mga Apostoles. “Sabta og maayo nga ang Relief Society … mahimong [usa] sa labing nindot nga kapanguhaan sa Simbahan sa pakighigala. Duola kadtong gipangtudloan ug gipaaktibo og balik, ug higugmaa sila diha sa Simbahan pinaagi sa inyong organisasyon.”1
Isip miyembro sa Relief Society, kita makatabang sa bag-ong mga miyembro nga makakat-on sa nag-unang mga praktis sa Simbahan, sama sa:
-
Paghatag og pakigpulong.
-
Pagpamatuod
-
Pagsunod sa balado sa puasa.
-
Pagbayad sa ikapulo ug uban pang mga halad.
-
Pag-apil sa buhat sa family history.
-
Pagpahigayon og mga bunyag ug kumpirmasyon sa ilang namatay nga mga katigulangan.
“Nanginahanglan og maasikasuhong mga higala aron makomportable ug welcome ang bag-ong mga miyembro diha sa simbahan,” miingon si Elder Ballard.2 Kitang tanan, ilabi na gyud ang mga visiting teacher, may importanting responsibilidad sa pakighigala sa bag-ong mga miyembro aron sa pagtabang kanila nga lig-ong “makabig ngadto sa Ginoo” (Alma 23:6).
Gikan sa mga Kasulatan
Gikan sa Atong Kasaysayan
“Tungod sa nagkadaghang mga kinabig,” miingon si Presidente Gordon B. Hinckley (1910–2008), “kita kinahanglan nga maningkamot pag-ayo sa pagtabang kanila nga malig-on. Ang matag usa kanila nagkinahanglan og tulo ka butang: usa ka higala, usa ka responsibilidad, ug pag-amuma pinaagi sa ‘maayo nga pulong sa Dios’ (Moroni 6:4)”3
Ang mga visiting teacher may katungdanan sa pagtabang niadtong ilang giamuma. Ang panaghigala maoy mag-una, sama sa usa ka batan-ong sister sa Relief Society nga maoy visiting teacher sa mas magulang nga sister. Wala dayon sila nahimong higala hangtud sila nagtinabangay sa usa ka proyekto sa pagpanlimpyo. Sila nahimong managhigala, ug samtang sila naghisgut kabahin sa Mensahe sa Visiting Teaching, silang duha naamumahan sa “maayo nga pulong sa Dios.”
Si Presidente Joseph Fielding Smith (1876–1972) miingon nga ang Relief Society “mahinungdanong bahin sa gingharian sa Dios dinhi sa yuta ug … makatabang sa matinud-anong mga miyembro aron makabaton og kinabuhing dayon sa gingharian sa atong Amahan.”4
Paghulagway sa litrato pinaagi ni Matthew Reier