Vakabula na Siga o Max kei Mia

Vakarautaki koya o Max me vaka na tamata qaqa. E tokara na nona siqeleti damudamu. E tokara na nona iubi ni tamata qaqa. Ka qai gole ki na rumu i ganena gone.

“Lako mai, Mia,” a kaya o Max.“Daru mai lako ka vakabula na siga!”

Rau lako o Max kei Mia ki na rumu ni gade. Rau raica e dua na basikete ka sinai ena isulu.

“Rawa ni o vukei au?” a taroga o Tinadrau.

“Io,” a sauma o Max.“Oti daru qai lako ka vakabula na siga.”

Rau vukei tinadrau o Max kei Mia ena lobiki taucoko ni sulu ka maroroi yani.

Qai raica o Max eso na benu ena vuloa.“Daru tomika cake taucoko na benu,” a kaya o Max.“Oti daru qai lako ka vakabula na siga.”

Rau cici wavokita na vale o Max kei Mia. Rau kolotaka laivi na benu taucoko rau rawa ni kunea.

Rau raici Tinadrau ni taviraka tiko na vuloa ni valenikuro.“Keirau rawa ni vukei iko,” a kaya o Max.

A taura tu na dasipeni o Mia ni taviraka tiko na vuloa o Max.

“Daru gole sara qo ka laki vakabula na siga,” a kaya o Max.

A vakararai wavoki o Tinadrau ena savasava ni vale. Ka qai kubeti Max kei Mia.“Au nanuma ni drau sa cakava oti!”