Sa Vakalesuya mai o Jisu Karisito na Nona Lotu ena Veisiga e Muri Oqo

Raitayaloyalotaka ni o lako tiko ena dua na vakasaqaqara iyau. Evei o na vakasaqara kina na iyau? O na rawa ni kunea vakacava? Ena tiko beka ena dua na kato ni yau? Na cava beka ena tu e loma?

Eso na kato ni yau e vakatawani tu ena veiukuuku vatutalei kei na koini siliva. Ia ni da lewena na Lotu i Jisu Karisito ni Yalododonu Edaidai, sa noda na iyau e yaga vakalevu sara: na kosipeli i Jisu Karisito.

E vuqa na tamata era sega ni kila na iyau oqo, ka sa dua na itavi eda vakacolati kina oya meda wasea vei ira e vuqa na tamata e rawa.

Ni sa mate oti o Jisu kei ira na Nona iApositolo, a yali se veisautaki eso na ivakavuvuli ni kosipeli bibi kei na cakacaka tabu vakalotu, oka kina na papitaiso, dodonu ni matabete, valetabu, parofita bula, kei na sakaramede.

E a vakalesuimai na iyau taucoko ni kosipeli oqo vua na Parofita o Josefa Simici. Rau a rairai vei Josefa Simici na Tamada Vakalomalagi kei Jisu Karisito ena gauna e masuta kina me kila na dina ena Veikau Vakatabui.

A qai ciqoma e muri o Josefa Simici na peleti koula ka vakadewataki ira ki na iVola i Momani. E vakatawani tu ena iVola i Momani na ivakavuvuli eda karona baleta ni vakamacalataka na dina ka ra a yali taumada. Eda ciqoma e vuqa na veivakalougatataki baleta ni da taukena na dina ni kosipeli oqo.

Sa wacava na iyau talei oqo!