Vakasama ni Lotu Vakamatavuvale

“Na iLesilesi kei na Cakacaka Vakalotu nei Jisu Karisito,” tabana e 18: E wasea kina o Elder Russell M. Nelson e lima na ivakarau ni bula nei Jisu Karisito eda rawa ni vakatotomuria. Sa rawa me veivosakitaki na ivakarau oqo kei na sala me vakayacori kina ena nomuni bula. Sa rawa mo wilika e dua na italanoa vakaivolanikalou mai na bula ni iVakabula se sarava e dua na vidio ni iVola Tabu ena (biblevideos.lds.org) e vakaraitaka tiko e dua vei iratou na ivakarau oqori. Sa rawa mo tinia ena nomu ivakadinadina baleta na Nona bula kei na cakacaka vakalotu ka lagata na “Meu Savasava Tu” Sere ni Lotu, naba 73).

“Na Cava Mada na iTokani Dina?” tabana e 52: Sa rawa mo tekivu ena nomu taroga, na cava mada na itokani dina? Wilika na kena ibalebale mai vei Elder Robert D. Hales ka veivosakitaka na mataqali itokani cava meda na vakataka. Sa rawa mo tukuna na gauna e a itokani vinaka kina vei iko e dua, ka tukuna na itovo eso e rawa ni vukei ira na matavuvale mera itokani vinaka cake vei ira na tamata.

“Marautaki ni Valetabu!” tabana e 62: Raica vata kei na nomu matavuvale, na kedra iyaloyalo na gone ena veimataqali sala era marautaka kina na valetabu. Sa rawa mo vakaraitaka e dua na iyaloyalo ni valetabu e voleka vei iko ka me veivosakitaki na vuna era sa ka bibi kina na valetabu. Vakamatatataka ni valetabu duadua ga era na rawa ni laki vauci kina na matavuvale. Sa rawa mo tinia ena kena lagati na “Rawa ni Tawamudu na Vuvale” (tabana e 65).