Vakatekivu mai na gauna e ratou sa lewena kina na Lotu na noqu matavuvale, au sa raica na kaukauwa e lako mai ni da wilika na Liaona. Au a vakauqeti mai na vosa veivakauqeti era tiko kina meu laki kaulotu. E vuqa na ulutaga era tukuni tiko ena mekasini, ia na ka e bibi vei au o ya ni dau vakavulici au na Yalo Tabu na veigauna yadua au wilika kina. Sa dina sara, ni da sa na bula galala—ena “vanua ni meca” (raica na Boyd K. Packer, “Meda Qaqa Vakacava ena Vanua ni Meca,” Liaona Okot. 2012, 34)—ni da vulica, wilika, ka bulataka na ivakavuvuli e vakavulici tiko. E bula tiko na iVakabula, sa tu oqo e vuravura na matabete, ka sa tiko mai lomalagi na Kalou.

E a cala na Liaona ni Okotova 2012 baleta na itaba ena italanoa “Tauyavutaki na iSevu ni iTeki mai Idia” ena draunipepa 76–77. A veitaba kina o Sisita Gladys Wigg. Keimami sa kere veivosoti tiko ena vuku ni cala oqo.

Ena Liaona, ni Tiseba 2012, e ratou a papitaiso na matavuvale na Vigil ena Julai 2010, ka sega ena June 2011 ka tukuni tiko ena itukutuku “Sacred Transformations” ena draunipepa 36. Ka vakakina, ni a sucu o Andrea Vigil ena Julai, ka sega ni Okosita, 2012.

Ena Nodra iVakavuvuli na Peresitedi ni Lotu: Lorenzo Snow, na itaba ena tabana e rua e volai cala. E itaba nei luvei Peresitedi tagane, o Oliver Goddard Snow. Ena ivakamacala ena tabana e 28, na yacadrau o Brigham Young Jr. kei Francis M. Lyman e dodonu me veisau.