Iango Ibukin Botakin te Utu n te Tairiki

“Ko na Kanga Ni Karekei Kouru aika Akea Tokiia,” iteraniba 60, ao “Ana moan bwai aika 10 Abby n ana riiti,” iteraniba 76: Ni moan te ririki ae boou, ngkoe ma am utu kam na bae n iangoi kouru ake ko kan kakoroi bukiia n tatabemani ngkami ao n te utu. Iangoia ni wareka ana rongorongo Titita Rosemary M. Wixom iaon ana moan ni kouru te kairake n ataeinnaine ake 10 inanon maiuna, ao kaoia natim bwa ana bon koroi oin aia kouru. Natim ake a ikawai a na kona naba ni buokaki man ana maroro Unimwaane Robert D. Hales n taekan kouru ake akea tokiia ao kakaawakin karaoan te baire ni kakoroan nanon kouru akanne. Kaungaia kain am utu bwa a na korei aia kouru ao ana katinei n te tabo ae kai nooraki iai ni mweengam.

“Te Kakaewenako ni Booki aika Tabu n te Nu Tetemanti,” iteraniba 66: Iangoia ni waaki ma warekan te Nu Tetemanti bwa te kakaewenako n te utu. Ko kona ni waaki n tuangiia kain te utu bwa e na tibwa ana karaki teuanne ke neienne ae mamate nanona iai man maiun Iesu Kristo. Imwina, nakon gospelart.lds.org ke scripturestories.lds.org n te utu ao kakaai witeo ao korotamnei are e nako ma am tai ni wareware. Ke iangoia ni katei kain karaki man te Nu Tetemanti n ami tai ni wareware.