Te Bwai ae Boboto iai Maiu

Ngke e a koro 18 au ririki, e kariaia tamau bwa N na bwabetitoaki n te ekaretia are I tangiria, I kan kaaina te aro ni Kiritian ibukina bwa I a tia ni kamatebwaia te Baibara ni bootaki n taromauri aika bati ao ni kakoaua Iesu Kristo.

N te bong teuana e kaoiia uoman mitinare aine ai tamau nakon mweengara. A maroro ma te koaua ae bati ibukin kakoauan ana Boki Moomon bwa teuana te kakoaua ibukin Iesu Kristo, ni kaotia bwa E a tia ni kawara te kaontenanti ae Amerika.

N te boto ni iango anne, I kamatata au iango bwa tao a kairua, bwa akea inanon maiu ae I a tia ni kamatebwaia anne. Temanna te mitinare n aine, ma matana aika ranran ao ma ana nanoanga, e taku nakoiu, “Te Tari Roberto, te rongorongo ana Boki Moomon iroum e koaua tiaki nanona bwa ti kairua. I ataia bwa Iesu Kristo e tangiriira ao bwa E a tia ni mena n te kaontenanti aei bwa E a tia n reiakina Ana euangkerio n aron are e a tia ni karaoia n te Aba ae Tabu.”

A kataia ni buokai ma tabeaiangau ma au nanououa aika bati n tain te moan kabwarabwara anne, ni kariaia bwa a na kawarai n te wiiki are imwiina.

N te tairiki anne I moanna n raibaea ana Boki Moomon. Ngke I wareka atuun te iteraniba, iai teuana te kibuntaeka ae anaa nanou: “Iesu bon te Kristo, te Atua ae Akea Tokina, are e boni kaotia ngaia nakoia aaba ni kabane.” I wareka naba 3 Nibwaai 11 taekan te Tia Kamaiu ngke e kawara Amerika, ao I namakina te kakaitau inanou. Ngaia are I a tia ni karaoa are a tuangai mitinare bwa N na karaoia. I katorobubua ao ni butia Tamau are i Karawa ngkana e koaua te boki.

Ngke I tia n tataro, I namakina te rau ao ni kakoaua raoi bwa boni ngaia raoi aei. Inanon te tai ao I iangoia bwa ranin matan te mitinare n aine anne e a tia n riingai ao ni karikai bwa N na kakoaua aia koaua. Ngaia are I a reitinako ni wareka ana Boki Moomon ni karokoa teutana imwiin 4:00 n te moaningabong. Ni katoa te tai are I tataro iai, I namakina riki kamatoakin are Iesu Kristo e a tia n roko i Amerika ao bwa E tangiria bwa N na reiakina riki taekan Ana euangkerio ae koaua.

Inanon wiiki, e a bane irou warekan ana Boki Moomon ao n namakinna ae I kan bwabetitoaki nakon te Ekaretia ae koaua.

Warekan ana Boki Moomon e buokai n rikirake ni kaan ma Iesu Kristo ao ni karaoia bwa boton maiu. I bon rang ni kakaitau bwa e a tia te Tia Kamaiu ni katikuia mitinare ao Ana Ekaretia inanon kawaiu.