Te Abotoro e anga te Reirei ibukin te Reitaki n te Kareke Rongorongo
“Ni moanaki n te tabo aei n te bong aei, I kairoroi ngkami bwa kam na kanakoi rongorongo ni kabuta te aonaaba ni kaonaki ma te raoiroi ao te koaua, rongorongo ake a bon koaua, a kateimatoa, ao ni kamoamoaki, ao ni koauana ni kaitiaka te aonnaba kanga n aron te ieka,” E taku Unimwaane David A. Bednar man te Kooram n te Tengaun ma Uoman n Abotoro n tain ana maroro ni Wiikin te Reirei i Brigham Young Iuniwetiri n Aokati 19, 2014.
“I tataro ti na bae n aki ira te waaki n te ieka ae kai toki are waekoa n rikirake ao imwiina e a kerikaaki n aron ae rang baikoa,” e taku n ana maroro are e boboto iaon mwaakan te reitaki n te kareke rongorongo ni kanakoi koaua. Unimwaane Bednar e arana ara tai bwa te “tai ae onoti n rongorongon te aonaaba,” ike ti kakabwaiaki ma “te rikirake ae kamiimi ni uoti kawai ma kukune aika boou are a kona ni karaoa ao ni kabirimwaaka te mwakuri ni kamaiu.
“E katautauaki bwa 40 te batienti mairouia ara mitinare ni kabuta te aonaaba a na kamanenai bwai ni mwakuri aika karaoaki man te iti ni karaoan te mwakuri ibukin te rairaki, kateimatoa, ao te kamarurung,” e taku. “ I onimakinna bwa ngaira ni kabane ti nooria bwa e kanga te rabakau ni kabirimwaaka te mwakuri n rongorongon te utu ao te tembora, ara kamatebwai ae onoti ao n utu ibukin te euangkerio ae e a tia ni kaokaki, ao ni kona n anganira te kona n reiakina taekan, n noora, ao n rinanon te aonaaba ni kawai aika kamiimi.”
E kabwarabwara te konabwai n te reitaki n te kareke rongorongo n raonaki ma tamnein te Itita are e karaoaki man te Ekaretia, Bwa Ibukina, mwaitin taina ni matakuakinaki bon nimaua te mirion inanon 191 aaba ao taabo, ao te #didyouthinktopray hashtag, are e a kairaki riaon riki 40,000 taian maroro ibukin kainnanoan te tataro.
Konabwai ake tabeua ao aikai bon “tii te timtim ae uarereke,” e taku, ni weteia Aomata aika Itiaki ni “buoka ni bita te timtim nakon te ieka.” E taku naba bwa ngkana e kamanenaaki te reitaki n te kareke rongorongo:
-
“Ti riai n aki betana, ni karakaa, ke ni baka n riki bwa temanna, ke te bwai ae tiaki ngaira. Bwain nanora a riai n onimakinaki ao ni bongana.”
-
“Ara rongorongo a riai n ukoukora te kateimatoaki ao te tabekakirake, nakon ae te kauntaeka, kabotaeka, kabuakaka, ke te kamangori.”
-
“Ko riai n aki maaku ma ninikoria, ma ko na aki kamoamoa, ni kateimatoa ao ni katana am koaua, ao totokoa te kakauntaeka. N aroia ana reirei, oin ara kantaninga bwa ti riai ni kamanena bwai n reitaki n te kareke rongorongo bwa bon ngaia oin katanan ootan ao koauan ana euangkerio Iesu Kristo are e a tia ni kaokaki.”
-
“E kona ni mwaiti te tai ae kataonabaaki, te reitaki ae mwaiti ae e na kona n rootaki ke n uruakaki, ao banna aika onoti ibukin te raoiroi a kona n aki karauaki ngkai e kamanenaki te rabakau n ae aki riai. Ti riai n aki butimwaai bubuti aika tamaroa ibukin te reitaki n te kareke rongorongo n tautaekan tamaroan ao bonganan ara tai, korakorara, ao kaubwaira.”
-
“Ti aki kainnanoia bwa ti na riki bwa aika a mwaatai iaon te reitaki n te kareke rongorongo ke ni kinaaki iai. Ao tiaki kainnanoia bwa ti na kabanea nikiran mwaitin ara tai ni karika ao ni kabuti rongorongo aika karakaaki.”