I taneiai ni buakaka, ma I a tia ni bitaki, ao I tangiria n tibwaua te euangkerio. N na kanga n tokanikai iaon aroarou?

Tamnei

A young woman with a bright red shirt is smiling and happy. White background.

Te moan bwai, ko na tai kariaia te maaku bwa e na tukiko. Ngkana ko a tia n riingaki iroun te Tamnei ao ni kataia n raira nanom ao ni bitaki, anne te bwai ae kamimii. Uringnga, te bitaki aei e riki rinanon ana akoi Iesu Kristo. Ma Ana ibuobuoki, ko kona n riki bwa te aomata ae boou ao ni moanna ni bita aroarom. E na buokiko naba n tibwaua te euangkerio. E ngae ngke e na bon maan bitakin aroarom, e na bon rang kakawaki. Aikai tabeua bwaai ake ko kona ni karaoi n te waaki anne:

• Kabwarabure nakoia aomata ake ko ataia bwa ko a tia ni kamarakiia.

• Kitana kawaim ni kaota te akoi nakoia aomata ake ko tuai ni kaota te akoi nakoia mai imwaaina.

• Bwaina te nano ae koaua ao te koaua raoi n taainako.

• Ngkana aomata ake ko rerena ma ngaiia a aki akoi nakoia tabeman, ke ko na karokoko irouia bwa ko na katokiia ke n aki manga karenako ma ngaiia. Bwa tokina, a na araniko aomata bwa ti te arona ngkoe ma ngaiia.

• Iangoia ni kamatebwaia Moronaai 7 ao n tataro ibukin te tangira ae kororaoi.