Iririia Burabeti

I ibuobuoki n te Neiwi i Amerika imwain banen te Kauoua ni Buaka n te Aonaaba. I riki bwa te tiiman, te kabanea n nakoa mai nano n te neiwi. Imwiina ao Ia bwaati ao Ia riki bwa te Tiiman n te Moan Kiraati, are imwiina Ia manga riki bwa te Ieoman n te Kateniua ni Kiraati.

E toki te Kauoua ni Buaka ao imwiina Ikamotirawaaki man au mwakuri n tautia. Ma I karaoa au babaire bwa ngkana I manga okira te taanga ni buaka, I tangiria bwa N na riki bwa te tia kairiiri n te taanga ni buaka. I iango, “Akea manga te tabo are a bootaki iai tautia ao n amwarake, akea manga kaitiakan te teeke, ngkana I kona n totokoia.”

Imwiin kamotirawakiu, ao I a kaina te United States Naval Reserve. I nako ni kataneiai ni katoa tairikin te Moanibong. I kamatebwai mwaaka bwa E na kona ni bwaati au bwi. I karaoi ukeuke n aekaia nako are e kona n iangoaki: marurungin te iango, rabwata, ao te namakin. N tokina, e a roko te rongorongo ae moan te tikiraoi: “Ko a tia ni butimwaeaki bwa kona karekea te nakoa ni kairiiri n kanikinaean ana Naval Reserve Amerika.”

I kaotia ma te kukurei nakon kainnabau, Frances, man taku, “Ea reke! Ea reke!” E konai man taku, “Koa tia ni mwakuri korakora bwa e na reke.”

Ma imwiina iai te bwai ae riki. I weteaki bwa N na riki bwa te kauntira n au uoote n te bitiobiriki. Boowin ana kauntira te bitiobi bon titebo naba ma boowin te kataneiai n au neiwi. I ataia bwa e korakora te kauntaba. I ataia bwa akea au tai ni karekea nakoau n te Naval Reserve ao tibwangau n au bitiobiriki. Ao tera ae Nnang karaoia? E riai ni karaoaki te babaire.

I tataroakinna. Imwiina I nako n nora te mwaane are au beretitenti n te titeiki ngke I uarereke Unimwaane Harold B. Lee (1899–1973), are e a riki ngkai bwa te Kooram n Abotoro n te Tengaun ma Uoman. I tekateka ni kaitara n te taibora. I tuangnga aron kakawakin te tibwanga n te nakoa n te karinan n tautia. Ni koauana, I kaota nakoina katoton au reta n nakoau are I a tia ni karekea.

Tamnei

illustration of Thomas Monson with President Harold B. Lee

Kamatata n te tamnei iroun Paul Mann

Imwiin iangoan te bwai anne ma te karaurau, e taetae nakoiu, “Aio te bwai ae ko riai ni karaoia, Te Tari Monson. Ko na korea te reta nakon te Bureau n te Taanga ni Buaka ao n tuangiia bwa ibukin nakoam n riki bwa te membwa n te bitiobiriki, ko aki kona ni butimwaea te nakoa n te tanga ni buaka n te United States Naval Reserve.”

I moanna n nanokawaki. E reitia, “Imwiina koroboki nakon te kamwanta n te Katebwi ma uoua n te Naval District i San Francisco ao tuangnga bwa ko tangiria ni keerikaki man te taanga ni buaka.”

I taku, “Unimwaane Lee, ko aki oota n te miritari. Ngaia anne ae a na rawa n anganai te nakoa anne ngkana I rawa ni butimwaia, ma te Katebwi ma uoua n Naval District e aki kona ni kamwawai man nakoau n te tanga ni buaka. Ma te buaka are e nang waaki i Korea, te aobitia ae tiaki te kamitiona e na bon weteaki bwa e na waakina te mwakuri. Ngkana I manga butiaki bwa N na manga okira te mwakuri, N na bon tangiria riki n oki n riki bwa te aobitia ni kamwanta, ma I aki kona ngkana I aki butimwaea te nakoa aei. Ko bon koaua bwa aio te reirei ae ko tangiria bwa N na butimwaia?”

Te Unimwaane ae Lee e katoka baina iaon angau n te aro ni karo man taku, “Te Tari Monson, kamwaita riki am onimaki. Te miritari bon tiaki ibukim.”

I okira mweengau. I katoka te reta man te komition are iai te raeuaki inanon ana tinaniku ma raona te reta ao n aki butimwaia. Imwiina I korea te reta nakon te Katebwi ma uoua n Naval District ao ni bubuti te kerikaaki man te Naval Reserve.

Kakerikakau man te Naval Reserve bon te kabanea ni kurubu ae rinanoaki imwain wakinan te Buaka i Korea. Au kurubu n te miritari a kamwanangaki. Onoua te wiiki imwiin weteakiu bwa N na riki bwa te kauntira n te bitiobiriki, I weteaki bwa te bitiobi n au uoote.

N na bon aki kona n taua te nakoa n te Ekaretia ae I taua ngkai ngke arona bwa I aki ira ana reirei te burabeti, ngke I aki tataroakina te baire anne, ngke arona bwa I aki karekea te kakaitau n te koaua ae kakawaki: wanawanan te Atua n tabetai e kaoti bwa burababaia aomata.¹ Ma te reirei teuana ae te kabanea ni korakora are ti reiakinna n te rabwata ae mamate bwa ngkana e taetae te Atua ao a ongo natina, a na bon eti n tainako.

E taekinaki bwa rongorongo ake ngkoa a boboto iaon babaire aika uarereke, ao ai aron naba maiura. Babaire a bairei tiara. Ma ti aki katukaki n aki buokaki inanon ara babaire.

Ngkana ko kan noora otan karawa, ngkana ko kan namakina ana wirikiriki te Atua ae Mwaaka, ngkana ko kan karekea te namakin anne inanom bwa Tamara are i Karawa e kairiiriko, ngkanne iririia ana burabeti te Atua. Ngkana ko iririia burabeti, ko na bon maeka n te tabo ae mano.