Na te mau tamarii apî
Ua ite au e, ua here Iesu ia‘u
Te ora nei te taata papaʻi i Colorado, i Marite.
Te tamata rahi nei Laney ia faaea hau noa i te pureraa. Ua rohirohi râ oia, e te ha‘uti‘uti ra to’na avae.
I te otiraa te opereraa oro‘a, ua iriti Laney i ta’na buka no ni‘a ia Iesu. Ua ite oia i te hoê hoho‘a no Iesu e te mau tamarii rii. E hau e te oaoa tei tae mai i roto ia’na.
I te hoperaa te pureraa oro‘a, ua ani oia i to’na mama, « No te aha e mea ohie a‘e ia faaea hau noa mai te peu e hi‘o vau i ta’u buka no ni‘a ia Iesu ? »
« I to’u mana‘o, no te mea e faahaamana‘o te reira i to Iesu here no oe », ua parau te mama.
Ta‘iriiri noa to Laney upoo. « I to oe mana‘o, ua ite anei Iesu ua here atoa vau Ia’na ? », ua ani oia.
Tauahi atura mama ia Laney. « Oia mau, ua papû roa ia’u ».