Te e‘a ti‘a
Na Elder Claudio D. Zivic
No te Hitu Ahuru
No roto mai i « Eiaha na tatou e haere i te eʻa hape », Liahona, Me 2014, 39-41.
« A faaroo ho‘i i te mau parau a te reira Atua o te ie hamani ia outou na » (PH&PF 43:23).
E rave rahi matahiti i maʻiri a‘enei, ua haere matou te utuafare i te vahi ra Arches National Park, i Marite. Hoê o te mau apou ofaʻi tuiroo roa a‘e i tera vahi, o te apou ïa Delicate Arch, e ua faaoti matou e paʻuma i te mouʻa no te tapae i reira.
Anaanatae maitai matou i te haamataraa, aita râ i maoro roa, rohirohi mai nei te tahi. No to’u hinaaro ia tae oioi i tera vahi, ua haere au o vau ana’e. Ma te hi’o ore i te eʻa e ti‘a ia’u ia haere, ua haamata vau i te pee i te hoê taata, e au ra e, ua papû maitai ia’na to’na eʻa.
Haamata a‘era te eʻa i te huru fifi mai. Ua papû maitai ia‘u e, eita e roaa i to’u utuafare ia haere mai. Ite atura vau i te apou ofaʻi ra, Delicate Arch, i to’u râ maere rahi, e mea atea roa. Aita te e‘a ta’u i haere i faatae ia’u i te apou.
Ua inoino rii au e ho‘i mai nei. Ua tiaʻi noa’tu ra vau ia ho‘i mai te pupu. Faataa mai nei ratou e, ua pee noa ratou i te mau tapa’o e faa’ite ra i te eʻa ti‘a e haere e ua tapae atura i tera apou Delicate Arch. Aita e rave‘a, ua haere au na te eʻa hape. E haapiiraa rahi ta’u i haapii i reira !
Eiaha ia mo‘ehia to outou e‘a i te ora mure ore e to outou Metua i te Ao ra. A pee i te mau parau tumu e te mau faaueraa o te evanelia ta outou i haapii, e e vai noa outou i ni‘a i te e‘a ti‘a no te ora Ia’na ra e a muri noa’tu.