Te paraparau nei tatou no te Mesia
Te Mana Faaitoito o te Faaroo
Te ora nei te taata papaʻi i Arizona, te mau Hau Amui no Marite.
Mai te mea o te Metua i te Ao ra to tatou faaora no to tatou tamataraa, ohie roa no te mea na tatou i ani, e faaere Oia ia tatou i te mau iteraa rau atoa e titauhia no to tatou faaoraraa.
I te hoê matahiti i te fare haapiiraa tuarua, te rave ra vau i te hoê ohipa haapiiraa, a haamata ai to a‘i i te mauiui. Aita te mauiui i topa, a hope ai te ohipa haapiiraa. Ua haere au e farerei i te mau taote e te mau taote haapa‘o e ua tamata e rave rau mau rapaauraa, ua tamau noa râ te mauiui. I roto i te matahiti i muri mai, a aro noa ai au no teie mauiui, ua fifi atoa vau i te haamaraaraa i to’u faaroo. Ua rave au e rave rahi taime no te pure, ua tuatapapa vau i te mau papa‘iraa mo‘a e ua ani au i te mau haamaitairaa a te autahu‘araa. Ua mana‘o vau e mai te peu e nava‘i rii to’u faaroo, e ora vau.
Ua faaore Iesu Mesia i te feia ma‘i, te matapo, te piri‘o‘i, te lepera—« ia na reirahia orua » (Mataio 9:29). Ua ite au e mana To’na no te faaora ia’u, mai Ta’na i na reira no e rave rahi i te roaraa o To’na oraraa i te tahuti nei. Ua faaoti au, no reira, e no to’u faaroo nava‘i ore i ore ai au i ora, i reira ua tata‘ipiti faahou vau te mau tautooraa. I reira, ua tamau vau e te rapaauraa i te pae tino, ua pure au e ua haapae i te maa, e ua tuatapapa e ua ti‘aturi. Teie ra, ua rahi roa to’u mauiui.
Te haapii nei te mau papa‘iraa mo‘a ia tatou e na roto i te faaroo e nehenehe tatou e faatupu i te mau semeio (hi‘o Mataio 17:20) teie ra, eita vau e faaerehia i teie mauiui ha‘iha‘i roa. Tei hea roa te mana o to’u faaroo ? I te pae hopea, ua farii au ma te marû i to’u huru, ua imi i te mau rave‘a no te faaruru i to’u mauiui, ua vaiho no te hoê taime ê atu i te vairaa no te iteraa rahi o te faaroo e no te faaoraraa.
Te mau matahiti i muri mai, te paraparau ra vau e te hoê hoa o tei faaruru i te hoê manuanu rahi, tei afa‘i ia’na e rave rahi taime i te fare ma‘i i te taime o to’na hapuraa matamua. Ua hinaaro o Erin i te hoê faahou aiû, e ri‘ari‘a rahi râ to’na ia faaruru i teie â mau mauiui i to’na hapuraa matamua. Ua parau oia ia’u, e ua haapae oia i te maa e ua pure e ua ti‘aturi mau oia eita te Metua i te Ao ra e na reira ia’na no te piti o te taime
A paraparau ai maua, ua haamana‘o vau i te papa‘iraa e, « a faatupu na, ia ite mai e, o vau te Atua » (Salamo 46:10). Ua feruri au i to’u iho iteraa i roto i te haapiiraa ia vai noa i rotopu i te mau tafifiraa e ua faaitoito ia Erin ia tamau â i roto i te faaroo, e eiaha e na teie faaroo e faaite ia’na e farii anei oia e aore aita i te manuanu no te piti o to’na hapuraa.
A tamau noa’i au i te tuatapapa i te parau tumu o te faaroo, ua fariu atu vau i ni‘a i te a‘oraa a Alama no ni‘a i te faaroo a haapii ai oia e « e no reira e faaroo to oe, e tiai ïa oe i te mau mea itea-ore-hia ra, o tei tia » (Alama 32:21).
Ma te feruri maite i ni‘a i teie papa‘iraa, ua ite mai au e e ere te faaroo mai ta’u i mana‘o na e o te reira ihoa. Te faaroo, ua haapii mai o Alama ia tatou, o te ti‘aturiraa ia i roto i te mau parau tumu mau. Te fariiraa i te faaroo, e ere te auraa e e ti‘aturi tatou i to tatou Metua i te Ao ra e horo‘a noa mai oia i te mea ta tatou i ani e i te taime ta tatou i ani. Te fariiraa i te faaroo e e faaora te Mesia i to’u a‘i e aore râ e horo‘a Oia i te hapu manuanu ore ia Erin, e ere i te fariiraa i te faaroo i roto i te parau tumu mau. Teie ra, e nehenehe tatou e farii i te faaroo e e mana to te Mesia no te faaora, e e haamana‘o noa Oia ia tatou, e faaitoito Oia ia tatou, e mai te mea e faaoroma‘i maitai tatou, e nehenehe tatou e faati‘ahia no te ora mure ore.
Ua fafau mai te Fatu, « o te mea ta oe e ani i te i‘oa o te Mesia ra ma te faaroo, e ma te mana‘o e e roaa ta oe, e roaa ïa ia oe » (Enosa 1:15). Te ti‘aturi nei au e e itehia te mana o teie fafauraa i roto i te a‘o ia ti‘aturi « i te i‘oa o te Mesia » Te haapii mai nei te Faahororaa o te Bibilia ia tatou no ni‘a i te pure e : « I ati mai outou ia’u ra, e ia vai maite tau parau i roto ia outou na, e ani noa ïa outou i ta outou i hinaaro ra, e e horoahia ïa ia outou » (Ioane 15:7). I muri mai, ia ani tatou i te mau ohipa, mea papû e horo‘a mai te Atua. E rave rahi mau pure aita e pahonoraa, no te mea aita te taato‘araa mea na roto i te i‘oa o te Mesia ; aita te reira e faaite ra i To’na varua, i te puna râ o te haapa‘oraa ia’na iho i te aau o te taata ».
Ia ani ana‘e tatou na roto i te faaroo i te tahi mea e e tano i te hinaaro o te Atua, e horo‘a mai Oia mai te au i to tatou hinaaro. Ua ite te Metua i te Ao ra ia tatou, ua here ia tatou, e ua hinaaro i te mau mea e ti‘a no tatou no te ho‘i i mua i To’na aro. E i te tahi taime, oia’toa te mau tamataraa, te mau pe‘ape‘a, e te mau titauraa (hi‘o 1 Petero 1:7). Mai te mea e faaora noa te Metua i te Ao ra i to tatou mau tamataraa no te mea ua ani tatou, e faaere oia ia tatou i te mau iteraa rau e hinaarohia no to tatou faaoraraa. E mea ti‘a ia tatou ia ti‘aturi i te faanahoraa a te Atua no tatou e ia patu i to tatou hinaaro i ni‘a i To’na. A ana‘i ai tatou i to tatou hinaaro i ni‘a i To’na e te iteraa i to tatou ti‘amâraa taato‘a i ni‘a Ia’na, e faati‘a tatou ia farii « i te hopea o to [tatou] faaroo, oia te ora o to [tatou] mau varua » (1 Peter 1:9).