Maʻá e Fānau Īkí
Ko e Fale Naʻe Langa ʻe he Vahehongofulú
ʻOku nofo ʻa e tokotaha naʻá ne faʻú ʻi ʻIutā, USA.
Ko Siaki ʻeni. Ko e ngaahi foʻi koini (coins) ʻeni ʻa Siaki ʻoku pakakihí. Ko e vahehongofulu ʻeni ʻa Siakí, ko e peseti ʻe 10.
Ko e pīsopé ʻeni ʻoku lulululu mo Siaki ʻi he taimi ʻoku totongi ai ʻene vahehongofulú, peseti ʻe 10.
Ko e palōfitá ʻeni, ʻoku fiefia mo faʻa lotu pea mo pehē, “Tau langa ha temipale,” ʻaki e vahehongofulu naʻe ʻomi mei he pīsope naʻe lulululu mo Siaki he taimi naʻá ne totongi ai ʻene vahehongofulu, peseti ʻe 10.
Ko e temipalé ʻeni, ngingila mo hinehina, ko ha fale ʻo e ʻEikí ʻoku fonu ʻi he māmá.
Ko e fale ʻeni naʻe langa ʻaki e vahehongofulú koeʻuhí he naʻe pehē ʻe he palōfitá, “Tau langa ha temipale,” ʻaki e vahehongofulu naʻe ʻomi mei he pīsope naʻe lulululu mo Siaki ʻi he taimi naʻá ne totongi ai ʻene vahehongofulu, peseti ʻe 10.
Ko e malimali ʻeni ʻa Siakí, malimali lahi mo fiefia, ʻi heʻene ʻalu ki he temipale, ngingila mo hinehiná, ke silaʻi ki hono fāmilí ʻi he ʻao ʻo e ʻOtuá.
Tā fakatātaaʻi ʻe Dani Jones