Ngaahi Fakakaukau Maʻá e Efiafi Fakafāmili ʻi ʻApí

“Ko e ʻAho Nāunauʻia ʻo hono Toe Fakafoki Mai e Lakanga Fakataulaʻeikí,” peesi 24: Fakakaukau ke ke fakamatalaʻi e founga ʻo e tukuʻau mai ʻa e lakanga fakataulaʻeikí mei he tokotaha ki he tokotaha, ʻo kamata meia ʻĀtama pea hokohoko mai ai ʻi he kau palōfita kehe ʻo e Fuakava Motuʻá pea meia Sīsū Kalaisi mo ʻEne Kau ʻAposetoló kia Siosefa Sāmita. Mahalo te ke feinga ke ako maʻuloto ʻa e ngaahi lea naʻe fai ʻe Sione Papitaiso ʻi he taimi naʻe foaki ai ʻa e Lakanga Taulaʻeiki Faka-ʻĒloné kia Siosefa Sāmita mo ʻŌliva Kautelé, hangē ko ʻene hā ʻi he Tokāteline mo e Ngaahi Fuakava 13:1, pea aleaʻi hono mahuʻinga ʻo e meʻa ko iá.

“Fakamoʻoní ʻa Mia,” peesi 74: Te mou lava ʻo aleaʻi ʻi he hili haʻamou lau fakataha ʻa e fakamatalá ʻa e “founga” ke maʻu ai ha fakamoʻoní: lotu, lau folofola, fanongo ki he kau palōfitá mo e kau ʻaposetoló, fanongo ki he ngaahi fakamoʻoni ʻa e kakai kehé, fai hoʻo fakamoʻoní, mo e alā meʻa peheé. Talanoa ki he founga ʻe lava ai ʻa e ngaahi fakamoʻoní ʻo hangē ha māmá. ʻE lava leva ʻe he ongomātuʻá ke fai ʻena fakamoʻoní mo fakaafeʻi ʻena fānaú ke vahevahe ʻenau fakamoʻoní pe ko ʻenau ongó kapau ʻoku nau loto ki ai.