E Tali Mai Le Tama Faalelagi i Au Tatalo

Ua tele taimi na faafofoga ma tali mai ai le Tama Faalelagi i au tatalo. O lou manatuaga muamua i le tupu ai o lenei mea ina ua fa ou tausaga. Na leiloa ia te au ia poloka sa ou manao ou te taalo ai. O lea sa ou alu ai i lo‘u potu ma tootuli e tatalo. Sa ou ole atu i le Tama Faalelagi e fesoasoani mai ia ou maua au meataalo. Sa vave ona tali mai la‘u tatalo—sa ou maua ia poloka i le potu na sosoo ai.

O se tasi o taimi aupito sili ona taua sa tali mai ai sau tatalo o le taimi a o ou faatasi ma lo‘u aiga atoa. I ni nai masina talu ona uma le misiona a lo‘u tausoga o Kerisiano, sa ia aveina se taavale i le leva o le po i luga o se auala vanu i luga o le mauga. Sa fetoai ai lana [taavale] ma se isi [taavale]. Sa manuia le isi avetaavale, ae sa ave lou tausoga i le falemai e se helikopa.

Sa i ai ia Kerisiano ni manu‘a tuga i lona tino atoa. Sa koma o ia, ma e le’i manatu fomai o le a ia ala mai. Sa filifili lo matou aiga e anapopogi. Na feauaua’i ou matua, tuafafine, matua matutua, fafine o le aiga, tamaloloa o le aiga, ma o’u tausoga uma e anapopogi mo Kerisiano. Sa ou anapogi i se aso o le aoga. Na tatau ona ou faamalamalama atu i lou faiaoga ma tamaiti o le vasega le mafuaaga sa ou le ai ai i le malologa o lena aso. Sa ou le popole tele e alu e aunoa ma ni meaai mo se aso aua na ou anapogi mo lo‘u tausoga.

Na tali mai e le Tama Faalelagi a matou tatalo, ma na iu ai ina ala mai Kerisiano mai i lona koma. E le’i toe maua e ia lona tomai atoatoa, ae o loo ia faasolosolo manuia. Ou te iloa o Kerisiano e umi se taimi e manuia ai o ia. O loo matou tatalo pea mo ia. E mafai ona faia soo se mea faatasi ai ma le fesoasoani a le Tama Faalelagi.