O Iesu Keriso—Lo Tatou Aloalii o le Filemu

Ata

Christ standing on a seashore. He is beckoning to two men who stand near Him. The two men are holding a fishing net over a small fire. Fishing boats and fishermen are visible in the background. The painting depicts Christ calling some of His Apostles or disciples.

Ua Valaau e Keriso So’o e Toalua, saunia e Gary E. Smith

O le taulai atu i le Alii ma le ola e faavavau e mafai ona fesoasoani ia i tatou i luitau uma o le olaga faaletino. E nonofo faatasi tagata le atoatoa ma isi tagata le atoatoa i lenei lalolagi. O lo tatou lalolagi o se lalolagi pa ‘ū ua faaleagaina i aitalafu soona fai, taua, mala faanatura, faama’i, ma le oti.

E oo mai luitau faaletagata lava ia. Po o le a lava se mea e ono afua ai le popole, e naunau lava i tatou taitoatasi ia maua le filemu i le loto.

O la‘u savali e faatatau i le puna e tasi o le filemu moni ma le tumau, o Iesu le Keriso—lo tatou Aloalii o le Filemu.¹

Na fetalai Iesu, “Ina tuu mai ia o tama iti e o mai ia te au, aua le vaoia i latou, aua e faapei o i latou nei o e o i le malo o le lagi.”²

E mafai ona Ia aumaia le filemu ia i latou ua matuai faatamaia o latou olaga e taua. O aiga na faalavelaveina e tiute faamiliteli o loo i ai manatuaga o taua, lea i lou mafaufau sa totoina i le taimi o le Taua a Korea.

O taua o lo tatou nei vaitaimi ua sili atu ona faigata, ae o loo mafatia ai pea aiga. O i latou o loo mafatia e mafai ona liliu atu i le Alii. O Lana savali o le savali faamafanafana o le manuia i le lalolagi ma le alofa i tagata.³

E mafai ona oo mai le filemu ia i latou e le o lagonaina le malosi. O nisi tino ua manunua. O isi ua tiga faaleagaga ona o le misia o e pele po o isi mafatiaga faalelagona. Uso e ma tuafafine, e mafai ona oo mai le filemu i lou agaga pe a e fausiaina le faatuatua i le Aloalii o le Filemu.

“E i ai ea ni isi o ia te outou ua mama’i? Ia aumai i latou iinei. E i ai ea ni isi o outou ua pipili, pe ua tauaso, pe ua setu, pe ua manua, … pe ua puapuagatia i soo se ala? Ia aumai i latou iinei ma o le a ou faamaloloina i latou.”⁴

“Aua ua ou iloa ua lava lo outou faatuatua ou te faamaloloina ai outou.”⁵

Ata

A woman is kneeling next to Christ. She is holding on to His clothes. He is looking down at her. Others are behind Christ.

E mafai ona oo mai le filemu i se tasi ua mafatia i le faanoanoa. Pe o le faanoanoa e mafua mai se mea sese po o se agasala, e na o le pau le mea e manaomia e le Alii o le salamo moni. Ua uunaia i tatou e tusitusiga paia ina ia “sola ese [mai] tuinanau o taulelea: … [ma] valaau i le Alii ai le loto mama.”⁶ Ona mafai lea e Lona “pulupasama i Kiliata” malu ona faamaloloina se agaga ua gasegase ona o agasala.⁷

Mafaufau i le suiga ia John Newton, na soifua mai i Lonetona i le 1725. Sa salamo mai lona olaga agasala o se tagata e faatauina atu pologa ma avea ma se faifeau o le Lotu Egelani. Faatasi ai ma lena suiga tele o le loto, sa tusia e John ia upu o le viiga “Amazing Grace.”

“E olioli le lagi i le tagata agasala e toatasi e salamo.”⁹

E mafai ona oo mai le filemu ia i latou ua mamafatu a latou avega:

“Ia outou o mai ia te au, o outou uma o e tigaina ma mafatia i avega, o a’u foi e malolo ai outou.

“Ia outou amoina la’u amo, ma ia outou faaa’oa’o ia te au; aua o au le agamalu, ma le loto maulalo: ona maua lea e outou o le malologa mo outou agaga.

“Aua e avegofie la’u amo, o la’u avega foi e māmā ia.”¹⁰

E mafai ona oo mai le filemu ia i latou e faanoanoa. Na fetalai le Alii, “Amuia e faanoanoa: aua e faamafanafanaina i latou.”¹¹ A o tatou onosaia le maliu ai o se tasi e pele ia i tatou, e mafai ona faatumulia i tatou i le filemu e ala mai i musumusuga a le Agaga.

“O le a le tofo i le oti i latou o e e oti ia te au, aua o le a suamalie ia te i latou.”¹²

“Ou te tuuina atu ia te outou le manuia; o lou manuia ou te avatu ai ia te outou: ou te le avatu ia te outou faapei ona avatu e le lalolagi. Aua le atuatuvale o outou loto, aua foi tou te matatau.”¹³

“O a’u nei o le toetu ma le ola: o lē faatuatua mai ia te a’u, e ui lava ina oti, a e ola lava ia:

“O tagata ola uma o e faatuatua mai ia te au, e le oti lava e oo i le faavavau.”¹⁴

E mafai ona oo mai le filemu ia i latou uma o e saili atu ma le naunautai i le Aloalii o le Filemu. O Lana savali o le savali suamalie ma faaola o loo avatu e a tatou faifeautalai i le lalolagi atoa. Latou te talai atu le talalelei a Iesu Keriso e pei ona Ia toefuatai mai i le Perofeta o Iosefa Samita. O loo aoao atu e faifeautalai le fetalaiga lenei a le Alii o loo suia ai olaga: “Afai tou te alofa mai ia te au, ia outou tausi mai i au poloaiga.”¹⁵

E mafai ona oo mai le filemu ia i latou uma o e ua filifili e savavali i ala o le Matai. O Lana valaaulia ua faamatalaina i upu e ono o le alofa: “Sau, mulimuli mai ia te au.”¹⁶

Ia Tatou Viia le Suafa o Iesu,¹⁷ aua o le a toe afio mai o Ia. Ma “ona faaali mai ai lea o le pupula o Ieova, e vaaia lava e tagata uma faatasi.”¹⁸ I le avea ai ma Mesia o le meleniuma, o le a Ia nofotupu ai o le Tupu o tupu ma le Alii o alii.¹⁹

A tatou mulimuli ia Iesu Keriso, o le a Ia taitai atu i tatou e nonofo faatasi ma Ia ma lo tatou Tama Faalelagi, faatasi ma o tatou aiga. E ala i o tatou luitau e tele o le olaga faaletino, afai tatou te tumau faamaoni i feagaiga na osia, afai tatou te tumau e oo i le iuga, o le a tatou agavaa mo lena meaalofa aupito sili o meaalofa uma a le Atua, le ola e faavavau.²⁰ I Lona afioaga paia, e mafai ona faatasia ai o tatou aiga e faavavau.

Ia faamanuia le Atua ia te outou, o‘u uso e, ma tuafafine. Ia outou olioli faatasi ma e pele ia te outou e faavavau i faamanuiaga uma a lo tatou Alii—lo tatou Aloalii o le Filemu.