O Le Faataoto i Taleni

Na faamatala e Iesu se tala, po o se faataoto, e uiga i se alii na tuuina atu ni tupe i ni tagata se toatolu o e sa faigaluega mo ia. Ona alu ese lea o le alii. A o alu ese atu o ia, o tagata e toalua sa galulue malolosi ma faaaoga a laua tupe e maua mai ai nisi tupe e tuuina atu i le alii. Ae o le tagata e toatasi na ona tanu lava o lana tupe aua sa fefe o ia ina nei leiloa. Ina ua toe foi mai le alii, na ia tuuina atu ni taui ia i laua na faateleina tupe sa ia tuu atu ia te i laua. Ae sa ia aveese le tupe mai le tagata na te le‘i taumafai e faateleina. (Tagai Mataio 25:14–29.)

E pei o le tagata i le faataoto, ua tuuina mai e le Tama Faalelagi ia i tatou taitoatasi nisi o mea e taua tele—e le o tupe, ae o tomai faapitoa po o taleni, e pei o pesepesega, faaalia o le alofa, o le tamoe, po o le fesoasoani atu i isi. E pei o tagata o loo i le faataoto, e tatau ona e galue malosi ina ia tuputupu ae lau taleni!

E mafai faapefea ona e mulimuli i aoaoga a Iesu e ala i le faaaogaina ma le faaleleia o au taleni? E mafai ona e lagonaina le fiafia tele ma fesoasoani atu i isi pe a e faia.