O A Mea Tatou Te Faia i le Malumalu?
O le malumalu o le maota o le Alii. Pe a tatou ulu atu i totonu, tatou te lagona le latalata i le Tama Faalelagi ma Iesu Keriso. E mafai ona tatou lagonaina le Agaga Paia. I le malumalu, tatou te auai i sauniga paia, e pei o papatisoga. Tatou te faia foi ni folafolaga faapitoa, po o feagaiga, ma le Tama Faalelagi. E mafai ona tatou fesoasoani e tuuina atu ia i latou o e ua maliliu le avanoa e talia ai le talalelei. O le a avea ma se aso faapitoa pe a e alu i totonu mo le taimi muamua!
A atoa lou 12, e mafai ona e feiloai ma lou epikopo ina ia maua lau oe lava pepa faataga o le malumalu. Ona mafai lea ona e alu i le malumalu e faia papatisoga.
Vai Papatiso
A atoa lo tatou 12, e mafai ona tatou papatiso mo tagata o e ua maliliu ae le’i papatisoina. E faalagolago le faatanoa i luga o povi e fai ma sui o ituaiga e sefululua o Isaraelu.
Potu o le Sauniga
I potu faapenei, tatou te aoao ai e uiga i le fuafuaga a le Tama Faalelagi mo i tatou, ma tatou te osia feagaiga o le a mafai ai ona tatou toe nonofo faatasi ai ma Ia. Tatou te aoao e uiga i le Foafoaga o le lalolagi, e uiga ia Atamu ma Eva, ma e uiga ia Iesu Keriso. Tatou te aoao foi e uiga i faamanuiaga o le a tatou maua i le olaga a sau pe a tatou faamaoni.
Potu Selesitila
E matagofie le potu selesitila! E faamanatu mai ai ia i tatou le auala o le filemu ma le fiafia o le a tatou oo i ai pe a tatou ola faatasi ma le Tama Faalelagi ma Iesu Keriso i se aso.
Potu o le Faamauga
I potu faapenei, e mafai ona faamauina faatasi ai aiga mo le faavavau. O lona uiga e mafai ona latou nonofo faatasi o se aiga e faavavau—e le na o lenei olaga.
O le malumalu o le maota o le Atua.
O se nofoaga o le alofa ma le matagofie.
O le a ou saunia a o ou laitiiti;
O lo‘u tiute paia.
(“Ou Te Fia Vaai i le Malumalu,” Tusipese a Tamaiti, 99).
Ata na pueina o le potu selesitila o le Malumalu o Ogden Iuta, vai papatisoga, potu o le sauniga, potu o le faamauga
TAUMATAU OGATOTONU MAMAO SAUNIA E Summer Rachael Derrick; ATA NA TUSIA E BRADLEY CLARK