O Se Meaalofa e Suia ai le Olaga i le Faleoloa Taugofie

Ata

illustration of a boy and a store clerk at a cash register

Ata na tusia e J. Beth Jepson

I se tasi tausaga e le‘i tele ni a matou tupe mo le Kerisimasi, o lea na ou tatalo ai mo se fesoasoani ina ia mafai ona ou faatau ai se meaalofa mo le toalua o lou tina, o Adrian (o lē ma te valaauina ma lo‘u tuafafine matua o Weegee). O maua ma lo‘u tuafafine sa na o le lua tala le ma tupe e faaalu i meaalofa.

Ina ua fai mai lo‘u tina e tatau ona matou o i se faleoloa taugofie e lata ane e faatau ai mo meaalofa o le Kerisimasi, sa ou tamoe atu i lou potu ma tatalo mo se fesoasoani: “Faamolemole fesoasoani ia i maua ia maua se meaalofa mo le lua tala.”

I le faleoloa na ma matamata ma Elaina i tusi ma maua ai se fusi tolu lea sa foliga mai e fou. Sa ma matuai fiafia lava ina ua ma mauaina. Sa ou uumauina a o ma taufetuli atu i le ala i lou tina. Ao feosofi i luga ma lalo, sa ma fai atu faatasi, “Ua ma maua se meaalofa mo Weegee!” I le kesi e siaki ai faatau sa fesili atu lou tina, “E fia le tau mo lea?” Sa tali mai le tamaitai, “Lua tala.” Sa tali mai lau tatalo.

O le taimi lena o le toalua o lou tina sa le o se tagata o le Ekalesia. Sa le fiafia o ia i tagata Mamona, na te lei talitonu i le “tusi a tagata Mamona,” ma sa le fiafia i tagata o le ekalesia e pikiina i maua mo gaoioiga a Alii Talavou ma Tamaitai Talavou. Na oo lava ina ia tulieseina faifeautalai. Ae o tagata o le uarota ma faifeautalai e lei fiu ia te ia.

I le aso o le Kerisimasi na matou faasaoina lana meaalofa e faamulimuli. Na ma fai atu ma Elaina, “O le meaalofa silisili lenei e mafai e soo se tasi ona tuuina atu ia te oe! O le a e maua ai le fiafia.” Sa mate e Weegee mo ni nai taimi, ma sa matou talie i ana tali. Sa matou tau atu ia te ia, “O se meaalofa matagofie! O le a suia ai lou olaga. Na suia ai foi i matou.”

Sa popole lo ma tina o le a ia le fiafia e uiga i la ma meaalofa ia te ia, ae na ma iloa ma Elaina o le mea sao lea e fai.

Ina ua ia tatalaina, sa faafetai mai ia i maua mo le meaalofa ma fai mai o le a ia faitau i ai.

Ona ma te alolofa ia Weegee, ma te mananao e aoao o ia e uiga ia Iesu Keriso ma le meaalofa o Lana Togiola. Sa ma mananao ia te ia e talitonu e pei ona matou faia, ia tatalo ma salamo, ma maua le talalelei i lona olaga.

Sa ia faitau ma tatalo e uiga i le Tusi a Mamona, ma faatasi ai ma le fesoasoani a faifeautalai ma tagata o le uarota, sa papatisoina o ia ma ua avea nei ma se tagata o le Ekalesia. Sa matou matuai fiafia lava e faamauina i le malumalu, ma matou te iloa o le a matou faatasi pea e faavavau o se aiga.