Mga tubag gikan sa usa ka Apostol
Unsa ang mga yawe sa priesthood?
Ni Elder Gary E. Stevenson
Sa Korum sa Napulog Duha ka mga Apostoles
Ang mga yawe sa priesthood dili mga yawe nga imong mahikap o magunitan sa inyong mga kamot, sama sa mga yawe sa sakyanan. Ang yawe sa priesthood mao ang katungod o pagtugot sa paglihok sa pangalan sa Langitnong Amahan. Ang mga yawe sa priesthood nagtugot sa mga lider sa Simbahan sa pagdumala kon unsaon sa paggamit ang priesthood dinhi sa yuta.
Anaa ni Jesukristo ang tanang mga yawe sa priesthood. Sa dihang ang Simbahan gipahiuli, Siya mihatag sa mga yawe sa priesthood ngadto ni Joseph Smith aron molihok isip Iyang propeta. Ang Unang Kapangulohan ug ang Korum sa Napulog Duha ka mga Apostoles anaa niini nga mga yawe karon.
Ang Unang Kapangulohan ug ang Korum sa Napulog Duha ka mga Apostoles nagdumala kon unsaon sa paggamit ang priesthood sa pagpanalangin sa mga anak sa Langitnong Amahan. Sila mitugyan, o mihatag, sa uban nga mga yawe sa priesthood ngadto sa mga bishop, ug mga presidente sa branch.
Tungod kay ang mga yawe sa priesthood anaa na sa yuta, mahimo na kitang mabunyagan ug makumpirhan, madawat ang usa ka panalangin sa priesthood kon masakit kita, ug mabugkos sa templo.