Nakadesisyon Nako

Sa makausa nakadawat ko og bililhong leksyon sa usa ka klase sa Young Women bahin sa sekswal nga kaputli—usa ka hilisgutan nga daghang kabatan-onan nahimong dili komportable diha sa ilang lingkuranan. Dili na nako mahinumduman ang tanang butang nga akong nakat-unan nianang adlawa, apan akong nahinumduman ang akong lider nga naghisgot mahitungod sa iyang personal nga mga sumbanan—nga ang sekwalidad kanunayng magpabilin nga putli. Ang iyang mga pulong nagpabilin kanako, ug dayon mihimo ko og maampingon nga desisyon sa pagpahiangay niini isip usa sa akong kaugalingong personal nga mga sumbanan.

Usa ka adlaw sa akong pagpauli samtang nagsakay ko og bus gikan sa kalihokan sa sport, dunay tawo sa bus nagsugod og dula nga tinuod o hagit [truth or dare]. Tungod sa kalaay, ang ubang mga batan-on ug ako nangapil. Dihang ako nang turno, nangahas ko sa pagbuhat og butang nga kahibalo ko nga dili husto. Lisud unta kini nga desisyon alang kanako, apan ang mga pulong sa akong lider sa Young Women misantop sa akong hunahuna, ug ang pagpili nahimong sayon. Dali kaayo kong mibalibad. Nakadesisyon nako unsa akong buhaton sa ingon niana nga sitwasyon.

Nakahibalo ko nga kon mosimba kita ug mogahin og luna alang sa mga butang nga gitudlo didto, kita mapanalanginan uban sa mas dako nga espirituhanon nga kusog ug mapanalipdan gikan sa mga tintasyon sa kalibutan.